[បរទេស] យោងតាមទិន្នន័យពីសហព័ន្ធផ្លូវន័រវេស ឬហៅកាត់ថា OFV បានបង្ហាញទិន្ន័យនៃការលក់នៅក្នុងឆ្នាំ ២០២៤ ដោយរថយន្តថ្មីដែលបានលក់នៅក្នុងប្រទេសមួយនេះ មានចំនួនដល់ទៅ ៨៨,៩% គឺជារថយន្តអគ្គិសនីសុទ្ធ EV កើនឡើងពី ៨២,៤% ពីការលក់ក្នុងឆ្នាំ ២០២៣។
លើសពីនេះ បន្ថែមជាមួយការលក់រថយន្តប្រភេទ Plug-in hybrid បានចំនួន ២,៧% រួមទាំងរថយន្តប្រភេទ Hybrid បានចំនួន ៥,៣ ធ្វើឲ្យការលក់រថយន្តអគ្គិសនីឡើងដល់ ៩៦,៩% ខណៈរថយន្តប្រភេទ ICE មានតែចំនួន ៣,១% ប៉ុណ្ណោះ ដែលបានលក់នៅក្នុងទេសន័រវេស ។
គួរឲ្យដឹងថា ក្រុមហ៊ុនផលិតរថយន្តម៉ាកល្បីៗដែលមានលក់រថយន្តនៅប្រទេសន័រវេសរួមមាន ក្រុមហ៊ុន Tesla, Volkswagen, Toyota និងរថយន្តអគ្គិសនីរបស់ចិនឥឡូវនេះមានចំនួនជិត ១០% នៃការលក់រថយន្តថ្មី។
ជាមួយគ្នានេះ លោកស្រី Christina Bu ប្រធានសមាគមយានយន្តអគ្គិសនីន័រវេស (NEVA) មានប្រសាសន៍ថា “ន័រវេសនឹងក្លាយជាប្រទេសដំបូងគេក្នុងពិភពលោក ដែលស្ទើរតែលុបបំបាត់រថយន្តសាំង និងម៉ាស៊ូតចេញពីទីផ្សាររថយន្តថ្មី” ៕
