[បរទេស] ក្រុមហ៊ុនផលិតរថយន្ត Zeekr បានសម្រេចក្នុងការផលិតរថយន្ត Zeekr 007 ប្រភេទអគ្គិសនីសុទ្ធ គ្រឿងទី ១ម៉ឺនគ្រឿងនឹងបានរំកិលចេញពីរោងចក្រដោយប្រើរយៈពេលត្រឹមតែ ៥៦ ថ្ងៃប៉ុណ្ណោះនៅក្នុងទីផ្សារប្រទេសចិន ។
រថយន្តនេះ មានប្រវែងតួខ្លួនសរុប ៤ ៨៦៥ ម.ម ទទឹង ១ ៩០០ ម.ម កំពស់ ១ ៤៥០ ម.ម និងប្រវែងគន្លាតកង់មុខ-ក្រោយ ២ ៩២៨ ម.ម បំពាក់ជាមួយម៉ូទ័រអគ្គិសនីចំនួន ១ អាចផលិតកម្លាំងបាន ៤១៦សេះ ខណៈម៉ូដែលបំពាក់ម៉ូទ័រអគ្គិសនីចំនួន ២ អាចផលិតកម្លាំងបាន ៥៨១ សេះ ។ លើសពីនេះ ក៏ត្រូវបានបំពាក់ជាមួយអាគុយប្រភេទ Golden Battery ទំហំ ៧៥ គីឡូវ៉ាត់ម៉ោង អាចបើកបរបានចម្ងាយ ៦៨៨ គីឡូម៉ែត្រ និងអាគុយទំហំ ១០០គីឡូវ៉ាត់ម៉ោង អាចបើកបរបានចម្ងាយ ៨៧០ គីឡូម៉ែត្រ នៅពេលសាកថ្មពេញម្តង ។
គួរបញ្ជាក់ផងដែរថា Zeekr 007 មានតម្លៃលក់ចាប់ពី ២៩ ០០០ ដុល្លារ ដល់ ៤១ ៧០០ ដុល្លារ ព្រមទាំងទទួលបានការបញ្ជាទិញទុកមុនដល់ទៅ ៥១ ៥៦៩ ត្រឹមតែរយៈពេល ៤០ថ្ងៃប៉ុណ្ណោះ ។ មិនត្រឹមតែប៉ុណ្ណោះ ក្រុមហ៊ុន Zeekr ក៏មានបំណងចង់លក់រថយន្តឲ្យបានច្រើនជាង Tesla Model 3 នៅឆ្នាំនេះ ក្នុងប្រទេសចិនទៀតផង ៕
