ក្រុមហ៊ុនរថយន្តកូរ៉េ SsangYong បានប្រកាសចេញរថយន្តភីកអាប់ Musso ស៊េរីឆ្នាំ២០២០ របស់ខ្លួនជាផ្លូវការ នៅលើទីផ្សារអឺរ៉ុប ដោយបន្ថែមប្រភេទគ្រែដឹកវែងជាងមុន។
រថយន្ត SsangYong Musso ថ្មីនេះមានគ្រែដឹកវែងជាងមុន ៣១០មីល្លីម៉ែត្រ ខណៈផ្តល់កាប៊ីនដែលមានកន្លែងអង្គុយសម្រាប់មនុស្ស ៥នាក់ដដែល។ ភីកអាប់នេះអាចដឹករហូតដល់ទៅទម្ងន់ ៦,៩តោន ហើយអូសសណ្តោងបានទម្ងន់ ៣,៥តោនឯណោះ។
ផ្ទាំងផ្សាយពាណិជ្ជកម្ម
SsangYong Musso បំពាក់ម៉ាស៊ីនម៉ាស៊ូត e-XDi220 ចំណុះ ២,២លីត្រ turbo ទំហំ ៤ស៊ីឡាំង មានកម្លាំង ១៧៩សេះ។ វាមានទាំងជម្រើសលេខដៃ និងលេខអូតូ ៦វគ្គ ខណៈប្រព័ន្ធប៉ុងពីរ4WD ត្រូវបានបំពាក់មកស្តង់ដារតែម្តង។
ភីកអាប់នេះផ្តល់ជម្រើសដល់ទៅ ៤ម៉ូដែល គឺ EX, Rebel, Saracen និង Rhino ដែលមានតម្លៃចាប់ពី ២៦ ៩៥០ដុល្លារ ដល់ ៣៦ ៧៥០ដុល្លារ៕
ផ្ទាំងផ្សាយពាណិជ្ជកម្ម
