រថយន្ត Bugatti La Voiture Noire ត្រូវបានគេប្រទះឃើញនៅទីក្រុងឡុងដ៏ ដោយវីដេអូនេះត្រូវបានថតដោយគណនី Youtube ឈ្មោះ the TFJJ កំឡុងពេលរថយន្តដ៏ទំនើបរបស់បារាំងនេះដាក់ចុះពីឡានដឹកជញ្ចូននៅមុខសណ្ឋាគារ The Londoner ក្នុងចក្រភពអង់គ្លេស។
ប្រសិនបើអ្នកគិតថាម្ចាស់រថយន្តនេះកំពុងតែនៅក្នុងលំដាប់សណ្ឋាគាដ៏ទំនើបលើលោកដើម្បីរងចាំរថយន្តដ៏មានតម្លៃនេះគឺអ្មកគិតខុសហើយ ការពិតទៅជាការតាំងបង្ហាញរថយន្តដូចដែលធ្លាប់បានឃើញនៅក្នុងទីក្រុង Geneva ក្នុងឆ្នាំ ២០១៩ មកម្លេះ និងបង្ហាញខ្លួនជាលើកដំបូងនៅ Concorso dÉleganza Villa dÉste ប៉ុន្មានខែបន្ទាប់។
រថនយន្ត Bugatti La Voiture Noire បានបង្ហាញនេះមិនមានម៉ាស៊ីន quad-turbo W16 ចំណុះ ៨,0 លីត្រដែលមានកម្លាំង ១,៥០០ សេះ និងកម្លាំងរមួល ១,៦០០ ញ៉ូតុនម៉ែត្រ នោះទេ ប៉ុន្តែរថយន្តនេះមើលទៅពិតជាមានភាពទាក់ទាញខ្លាំងណាស់។
ជាក់ស្តែង រថយន្ត Bugatti La Voiture Noture នេះត្រូវបានតាំងបង្ហាញនៅទីក្រុងឡុងដ៏រហូតដល់ខែឆ្នូ ដើម្បីផ្សព្វផ្សាយពី “La Bouteille Noire” ដោយ Champagne Carbon ជាដបដែលធ្វើពីកាបូនដែលមានចំណុះ ១៥ លីត្រដែលផលិតចេញពីជាតិសរសៃកាបូនទាំងស្រុងសម្រាប់រថយន្តមានតម្លៃថ្លៃជាងគេ (មុនពេល Rolls-Royce Boat Tail បង្ហាញខ្លួន) យោងទៅតាមក្រុមហ៊ុន Bugatti ដំណើរការធ្វើនេះមាន ៣៧ ជំហានផ្សេងគ្នា និងធ្វើដោយដៃរយៈពេល ១៥០ ម៉ោង។
Bugatti បានបង្ហាញម៉ូដែលចុងក្រោយនៃ La Voiture Noire ក្នុងខែមិថុនាកន្លងទៅ និងមានតំលៃ ១៣,៤ លានដុល្លារ ហើយបច្ចុប្បន្ននេះបានប្រគល់ឲ្យម្ចាស់រថយន្តហើយ បើតាមក្រុមហ៊ុននៅមិនទាន់បានប្រាប់ពីឈ្មោះ ម្ចាស់រថយន្តដ៏ប្រណិតនេះទេ ព្រោះហេតុផលជាក់ស្តែងជាការស្នើសុំពីម្ចាស់រថយន្តផ្ទាល់៕
