ទីបំផុត! ក្រុមហ៊ុន Dongfeng បានដាក់លក់ជាផ្លូវការរថយន្តប្រភេទ off-road របស់ខ្លួនគឺម៉ូឌែល M817 Max+ របស់ខ្លួនហើយ ដោយក្នុងនោះ រថយន្តនេះ គឺមានតម្លៃលក់ខ្ទង់តែ ៥១ ២០០ដុល្លារ ប៉ុណ្ណោះ នៅក្នុងប្រទេសចិន។
រថយន្តនេះ ដំណើរការដោយម៉ាស៊ីនចំណុះ ១,៥លីត្រ ផលិតកម្លាំងបាន ១៨៤ សេះ និងម៉ូទ័រអគ្គិសនីចំនួន ២ អាចផលិតកម្លាំងបានសរុប ៦៧៧សេះ និងកម្លាំងរមួល ៨៤៨ញ៉ូតុនម៉ែត្រ ផ្គួបជាមួយអាគុយទំហំ ៥០,៤គីឡូវ៉ាត់ម៉ោង អាចបើកបរបានចម្ងាយ ២១៥គីឡូម៉ែត្រ ដោយអគ្គិសនីសុទ្ធ និងសរុប ១ ៣៦៥គីឡូម៉ែត្រ។
ចំពោះការរចនារូបរាងផ្នែកខាងក្រៅវិញ មានប្រវែងខ្លួនសរុប ៥ ១០០មម ទទឹង ១ ៩៩៨មម កម្ពស់ ១ ៨៩៩មម និងប្រវែងគម្លាតង់ ៣ ០០៥ មម។ ជាមួយគ្នានេះ ក៏ទទួលបាននូវប្រព័ន្ធ HarmonySpace 5 smart cockpit system ដែលរួមបញ្ចូលនូវអេក្រង់កម្សាន្ដទំហំ ១៥.៦ អុីញ ក៏ដូចជាប្រព័ន្ធ Huawei’s Qiankun intelligent driving system ADS 4 ផងដែរ៕
