![](https://camboauto.com/wp-content/uploads/2021/08/ROTY-thumn-696x364.jpg)
ក្រុមហ៊ុន RMA Cambodia ដែលទទួលសិទ្ធិក្នុងការនាំចូល និងចែកចាយផ្ដាច់មុខនូវរថយន្តម៉ាក Jaguar និង Land Rover ពីចក្រភពអង់គ្លេស ដោយទទួលបានជ័យលាភីលេខ១ លើតំណែង “Retailer of The Year 2020” ពីក្រុមហ៊ុន Jaguar Land Rover ផ្ទាល់ និងបានយកឈ្នះប្រទេសដទៃដូចជា ប្រ៊ុយណេ ម៉ុងហោ្គលី ម៉ាកាវ និងខាឡេដូនៀថ្មីនៅក្នុងតំបន់អាស៊ីប៉ាស៊ីហ្វិកក្រុម B ផងដែរ។ នេះជាលើកទីមួយហើយដែល RMA Cambodia ទទួលបានជ័យលាភីលេខ១ នៅលើតំណែងដ៏មានកិត្តិយសមួយនេះ ដោយធ្វើឡើងតាមរយៈការវាយតម្លៃទៅលើផ្នែកសំខាន់ៗចំនួន៣គឺ ផ្នែកប្រឹក្សាយោបល់រថយន្ត ផ្នែកសេវាកម្មជួសជុល និងថែទាំរថយន្ត ព្រមទាំងផ្នែកទីផ្សារ។
ការទទួលបានជ័យលាភីលេខ១នេះ ក៏ដោយសារតែក្រុមហ៊ុន RMA Cambodia តែងតែទទួលបម្រើស្វាគមន៍អតិថិជនដែលបានអញ្ជើញមកដល់ ដោយស្នាមញញឹម និងភាពរួសរាយរាក់ទាក់។ អគារតាំងបង្ហាញម៉ូដែលរថយន្តរបស់យើងមានទីតាំងធំទូលាយ ត្រូវបានបំពាក់ទៅដោយគ្រឿងបរិក្ខារទំនើបទាន់សម័យដែលនាំចូលមកពីចក្រភពអង់គ្លេសផ្ទាល់ ហើយផ្ដល់នូវផាសុកភាពខ្ពស់ ជូនចំពោះគ្រប់អតិថិជនទាំងអស់។
កាន់តែពិសេសរាល់ការបញ្ជាទិញរថយន្តម៉ាក Jaguar និង Land Rover គ្រប់ម៉ូដែល ពីក្រុមហ៊ុន Jaguar Land Rover Cambodia ភ្ញៀវកិត្តិយសទាំងអស់ នឹងទទួលបាននូវការធានារហូតដល់ ៣ឆ្នាំ ទទួលបានតម្ហែទាំប្តូរប្រេងម៉ាស៊ីនរថយន្តចំនួន5ឆ្នាំ រួមជាមួយនឹងការផ្តល់នូវជម្រើសជាច្រើនដើម្បីជ្រើសរើសទៅតាមចំណង់ចំណូលចិត្តរបស់លោកអ្នក ដូចជាការជ្រើសរើស ពណ៌រថយន្ត ឬប្រភេទស្បែកកៅអី ដែលជាសេវាកម្មដ៏ពិសេសមួយរបស់ក្រុមហ៊ុន។ ក្រៅពីការជ្រើសរើសពណ៌ លោកអ្នកក៏អាចជ្រើសរើសបន្ថែម នូវគ្រឿងបំពាក់បន្ថែមផ្សេងៗនៅលើតួរថយន្ត ទៅតាមតម្រូវការរបស់លោកអ្នកផងដែរ។
លើសពីនេះទីទៀតក្រុមហ៊ុន ក៏មានការផ្ដល់ជូនសេវាកម្មពិសេសទៅលើតំហែទាំរថយន្ត ដូចជា សេវាកម្មជួសជុលរថយន្ត និងត្រួតពិនិត្យរថយន្តជាដើម ដែលធ្វើឡើងដោយជាងដែលត្រូវបានទៅបណ្ដុះបណ្ដាលពីក្រៅប្រទេស មានជំនាញវិជ្ជាជីវៈច្បាស់លាស់ មានសម្ភារៈបរិក្ខារគ្រប់គ្រាន់ និងបច្ចេកវិទ្យាដ៏ទំនើបទាន់សម័យក្នុងការប្រើប្រាស់។ មិនតែប៉ុណ្ណោះដើម្បីជួយសម្រួលទៅដល់ភ្ញៀវដែលមមាញឹកពុំសូវមានពេលវេលាក្នុងយករថយន្តមកធ្វើការត្រួតពិនិត្យឬជួសជុល ក្រុមហ៊ុនក៏មានសេវាកម្មទៅយករថយន្តពីគេហដ្ឋានរបស់អតិថិជន មកជួសជុលដោយផ្ទាល់ផងដែរ។ ក្រៅពីនេះ RMA Cambodia ក៏មានសេវាសង្រ្គោះបឋមចំពោះរថយន្ត រយៈពេល ២៤ម៉ោងក្នុង ៧ថ្ងៃ នៅពេលអតិថិជនជួបបញ្ហានៅតាមដងផ្លូវ ដោយគ្រាន់តែទូរស័ព្ទមកលេខ 031 5999 222 / 070 999 222
តាមរយៈការផ្ដល់នូវសេវាកម្មដ៍ល្អទៅលើផ្នែកទាំងបីនេះ បានធ្វើអោយក្រុមហ៊ុន RMA Cambodia បានក្លាយជាក្រុមហ៊ុនដែលទទួលបាននូវទំនុកចិត្តខ្ពស់ពីអតិថិជន និងទទួលបាននូវពានរង្វាន់ “Retailer of The Year 2020” ពីក្រុមហ៊ុន Jaguar Land Rover ផ្ទាល់៕