ក្រុមហ៊ុនដែលបង្កើតឡើងតាមរយៈការសហការគ្នារវាងក្រុមហ៊ុនបី SAIC-GM-Wuling បានបង្ហាញចេញរថយន្តថ្មីម៉ូដែល E300 ដែលនឹងលក់ក្រោមម៉ាក Baojun នៅប្រទេសចិន។
រថយន្តអគ្គិសនីថ្មីនេះគឺស្ថិតនៅលើម៉ូដែល E100 និង E200 ដែលវាមានការរចនារូបរាងប្លែក ប្រៀបធៀបជារថយន្តថ្ងៃអនាគតអ៊ីចឹង។ រថយន្តនេះមានប្រវែង ២៦២៥ ម.ម មានទទឹង ១៦៤៧ ម.ម មានកម្ពស់ ១៥៨៨ ម.ម និងប្រវែងពីកង់មុខទៅកង់ក្រោយ ១៧៥០ ម.ម។
ផ្ទាំងផ្សាយពាណិជ្ជកម្ម
ព័ត៌មានក្នុងស្រុកបានចេញផ្សាយថា E300 នឹងចេញលក់នាឆ្នាំនេះ ដោយមានប្រភេទកៅអីអង្គុយ ២, ៣ និង ៤ កៅអី។ រថយន្តនេះគឺប្រើប្រាស់ម៉ូទ័រអគ្គិសនីកម្លាំង ៣៩ សេះ ដែលបានថាមពលពីអាគុយ ១៦,៨ គីឡូវ៉ាត់ម៉ោង។
គេប៉ាន់ស្មានថារថយន្តនេះនឹងមានតម្លៃប្រមាណ ៨ ៧១៧ ដុល្លារ ទៅ ១០ ១៧០ ដុល្លារ ពេលចេញលក់នៅប្រទេសចិន៕
ផ្ទាំងផ្សាយពាណិជ្ជកម្ម
