Lexus NX ជំនាន់ថ្មីដែលមានការផ្លាស់ប្ដូររូបរាងថ្មីទាំងស្រុង រំពឹងថានឹងបង្ហាញវត្តមានក្នុងនៅអំឡុងចុងឆ្នាំ ២០២១ នេះចេញលក់ជាស៊េរីឆ្នាំ ២០២២ ក្រោយពីរថយន្តនេះបានប្រើប្រាស់មុខមាត់ចាស់អស់រយៈពេលជាង ៦ឆ្នាំមកហើយនោះ។
រូបរាងនៃរថយន្ត Lexus NX ជំនាន់ថ្មីនេះដែរ ធ្លាប់ត្រូវបានគេប្រមាញ់បាននៅពេលដែលវាបើកបរសាកល្បង ហើយតាមរយៈរូបភាពទាំងនេះនាំឲ្យគេស្រមើស្រម៉ៃចេញរូបភាព Render មួយសន្លឹកខាងលើនេះចេញមក ដែលមានការឌីហ្សាញថ្មីទាំងស្រុងតែម្ដង។ ទោះបីជារូបភាព Render មិនបានបង្ហាញពីផ្ទៃខាងក្នុង ប៉ុន្តែគេរំពឹងថាវាគួរតែមានការផ្លាស់ប្ដូរថ្មីខុសពីជំនាន់បច្ចុប្បន្ន ដូចជាមានបំពាក់អេក្រង់កម្សាន្តទំហំធំជាងមុនជាដើម។
រថយន្ត Lexus NX ជំនាន់ថ្មីរំពឹងថានឹងប្រើប្រាស់គ្រោងឆ្អឹងដូចជារថយន្ត Toyota RAV4 ជំនាន់ថ្មីដែរគឺគ្រោងឆ្អឹងឈ្មោះថា TNGA-K។ Lexus ទំនងជាប្រើប្រាស់ប្រព័ន្ធម៉ាស៊ីនដូចនៅលើ RAV4 ដែរ ដោយអាចបញ្ចូលជម្រើសម៉ាស៊ីន ២,៥លីត្រ ៤ស៊ីឡាំង៕
