[ទីផ្សរបរទេស] ក្រុមហ៊ុនផលិតម៉ូតូ Suzuki បានបញ្ចេញនូវម៉ូឌែល V-Strom 250 SX ស៊េរីឆ្នាំ ២០២២ ប្រភេទចង្កះលេខអំប្រ៊ីយ៉ា លក្ខណៈបែប Off-Roads ផ្សងព្រេង ជាមួយនឹងរូបរាងកាច និងម៉ាស៊ីនកាន់តែខ្លាំង សម្រាប់ទីផ្សារនៅក្នុងប្រទេសឥណ្ឌា។
ម៉ូតូចង្កះលេខអំប្រ៊ីយ៉ា V-Strom 250 SX បានប្រើប្រាស់ម៉ាស៊ីនសាំង SOHC ចំណុះ ២៤៩សេសេ ទំហំ ១ស៊ីទ្បាំង ប្រព័ន្ធស្អំប្រេង Oil-Cooled ផលិតកម្លាំង ២៦,៥សេះ និងកម្លាំងរមួល ២២,២ញ៉ូតុនម៉ែត្រ ហើយភ្ជាប់ជាមួយនឹងប្រអប់លេខ ៦ វគ្គ។ ខណៈដែលធុងសាំងរបស់ម៉ូតូចង្កះលេខអំប្រ៊ីយ៉ានេះអាចផ្ទុកបានចំណុះរហូតដល់ ១២ លីត្រ។
ដោយទ្បែកចំពោះឌីហ្សាញនៃម៉ូតូ V-Strom 250 SX រចនាទ្បើងបែបស្ព័រ លក្ខណៈ Off-Roads ផ្សងព្រេងដោយវាបានបំពាក់នូវកុងទ័រឌីជីថល LCD ដែលអាចភ្ជាប់ Bluetooth ជាមួយនឹងទូរស័ព្ទរបស់អ្នកបើកបរ ក្នុងការបង្ហាញសារ Call, Navigation និងពេលវេលាមកដល់ដែលប៉ាន់ស្មាន នឹងទៅដល់គោលដៅរបស់យើង។ បន្ថែមពីនេះម៉ូតូ Suzuki V Strom ក៏បានបំពាក់មកជាមួយនឹងចង្កៀងមុខ-ក្រោយ LED, រន្ធសាក USB ឬទូរស័ព្ទ និងប្រព័ន្ធហ្វាំ្រង ABS កម្រិតខ្ពស់ស្តងដាររបស់ក្រុមហ៊ុន Suzuki ផងដែរ។
ម៉ូតូ V-Strom 250 SX ស៊េរីឆ្នាំ ២០២២ មានតម្លៃចាប់ពី ២ ៧៦៦ ដុល្លារសម្រាប់ទីផ្សារនៅក្នុងប្រទេសឥណ្ឌា៕
