រដ្ឋាភិបាលប្រទេសចិន ចង់ឲ្យក្រុមហ៊ុនផលិតរថយន្តរបស់ខ្លួនត្រូវតែផលិតផ្នែកបច្ចេកវិទ្យា EV សំខាន់ៗនៅក្នុងស្រុកទាំងអស់

[បរទេស] យោងតាមគេហទំព័រ Bloomberg បានឲ្យដឹងថា រដ្ឋាភិបាលប្រទេសចិនបានលើកទឹកចិនយ៉ាងមុតមាំទៅកាន់ក្រុមហ៊ុនផលិតរថយន្តរបស់ខ្លួនឱ្យប្រាកដថាផ្នែកសំខាន់ៗ រួមទាំងបច្ចេកវិទ្យារថយន្តអគ្គិសនីសុទ្ធនឹងត្រូវផលិតក្នុងស្រុក ហើយបន្ទាប់មកបញ្ជូនសម្រាប់ការផ្គុំចុងក្រោយនៅក្នុងទីផ្សារគោលដៅរបស់ពួកគេ។

ក្នុងនោះ មានក្រុមហ៊ុនផលិតរថយន្តមួយចំនួនដូចជា GWM បានអនុវត្តយុទ្ធសាស្ត្រនេះរួចមកហើយ ដោយបានចុះហត្ថលេខាលើកិច្ចព្រមព្រៀងភាពជាដៃគូជាមួយក្រុមហ៊ុនមួយនៅក្នុងប្រទេសម៉ាឡេស៊ី ។

លើសពីនេះ ក្រសួងពាណិជ្ជកម្មប្រទេសចិន បានប្រាប់ក្រុមហ៊ុនផលិតរថយន្តក្នុងស្រុកថា មិនត្រូវធ្វើការវិនិយោគជាមួយក្រុមហ៊ុនផលិតរថយន្តរបស់ប្រទេសឥណ្ឌានោះទេ ប៉ុន្តែក្រុមហ៊ុនកំពុងព្យាយាមបណ្តាក់ទុនទៅកាន់ទីផ្សារប្រទេសទួរគីវិញ ៕