រថយន្ត Apocalypse Hellfire 6×6 ២០២១ ដែលជារថយន្តត្រូវបានកែច្នៃដោយផ្អែកលើរថយន្ត Jeep Gladiator ឥឡូវនេះបានដឹកមកដល់ប្រទេសកម្ពុជាហើយ ប៉ុន្តែក៏មិនដឹងថាជារបស់បងប្អូនយើងមួយណាដែរ។ យោងតាមគេហទំព័របរទេស រថយន្តនេះត្រូវបានកែច្នៃដោយបានលេងរូបរាងលក្ខណៈ Off-raod លេងជាមួយកង់ទំហំ ៤០អុីញ ដំណើរការដោយម៉ាស៊ីន ៦,២លីត្រ supercharged V-8 Hellcat បង្កើតថាមពលកម្លាំងរហូតដល់ ៥០០សេះ និងកម្លាំងរមួល ៤៧២ pound-feet ។
រថយន្តនេះត្រូវបានធ្វើការសិក្សាដោយវិស្វក័រជំនាញ រថយន្តលក្ខណៈ Off-Road កម្លាំងមិនធម្មតា ដែលបានធ្វើការតេស្ភ៌សាកល្បង និងទទួលបានជោគជ័យអស់រយៈពេល ១៣ឆ្នាំមកហើយ។ នៅផ្នែកមុខនៃរថយន្តនេះ អាចអូសសណ្តោងបានរហូតដល់ទៅជាង ៤តោន (9,500-pound) និងនៅខាងក្រោយអាចអូសបានជិត ៥,៥តោន (12,000 pounds)។
ហើយសម្រាប់តម្លៃទីផ្សារបរទេសវិញមានតម្លៃចាប់ពី ១៥ម៉ឺនដុល្លារសហរដ្ឋអាមេរិចឡើយទៅ។ ប៉ុន្តែសម្រាប់ទីផ្សារកម្ពុជា មិនដឹងថាមានតម្លៃប៉ុន្មាន និងលក្ខណៈពិសេសលម្អិតយ៉ាងណានោះដែរ។
ឥឡូវនេះមកទស្សនារូបភាព នៃការមកដល់ទាំងនោះដូចខាងក្រោម
