ទីភ្នាក់ងារសុវត្ថិភាពផ្លូវថ្នល់របស់អាមេរិក NHTSA បានបញ្ចេញនូវការកំណត់មួយ ដែលតម្រូវឲ្យរថយន្តបើកបរនៅល្បឿនក្រោម ៣០ គីឡូម៉ែត្រ/ម៉ោង ត្រូវតែបញ្ចេញសំឡេង។ នេះក៏ព្រោះតែការបើកបរនៅល្បឿនលឿនគឺអាចបញ្ចេញសំឡេងឮគ្រប់គ្រាន់ ដែលឮចេញពីសម្បកកង់ និងកកិតជាមួយខ្យល់។
ពីមុនមក NHTSA បាននិយាយលម្អិតថា រថយន្តអគ្គិសនីទាំងអស់ត្រូវតែបញ្ចេញសំឡេងដូចគ្នា។ ប៉ុន្តែក្នុងសេចក្ដីព្រាងចុងក្រោយដោយ NHTSA បានលើកឡើងថារថយន្តអគ្គិសនី នឹងអនុញ្ញាតឲ្យបញ្ចេញសំឡេងខុសៗគ្នាបាន។
គួរដឹងថាកន្លងមកមានក្រុមហ៊ុនរថយន្តបានបង្កើតសំឡេងពិសេសៗសម្រាប់រថយន្តអគ្គិសនីរបស់ខ្លួន។ មានដូចជា Mercedes-AMG ដែលបានសហការជាមួយក្រុមចម្រៀង Linkin Park ហើយលើរថយន្ត Nissan មានបន្លឺសំឡេងដល់អ្នកថ្មើរជើងពេលរថយន្តអគ្គិសនីរបស់ខ្លួនបើកនៅក្បែរ៕
