Bugatti Chiron ស្ថិតក្នុងចំណោមរថយន្តដែលមានល្បឿនលឿនជាងគេក្នុងលោក ប៉ុន្តែមិនមែនឈរលើតំណែងកំពូលលេខមួយនោះទេ។ ប៉ុន្តែសម្រាប់កម្ពុជា Bugatti Chiron ត្រូវគេដឹងថាជារថយន្តល្បឿនលឿនជាងគេ ពោលអាចរត់ដល់ ៤២០ គ.ម/ម៉។
តាមការបង្ហាញរបស់ Bugatti បានឲ្យដឹងថា គួបផ្សំទាំងការបើកបរក្នុងក្រុង និងក្រៅក្រុង រថយន្តកម្លាំង ១៥០០ សេះ នេះមានកម្រិតស៊ីសាំងជាមធ្យម ២១,៣៨ លីត្រ ក្នុងចម្ងាយ ១០០ គ.ម។ ចំពោះការបើកបរក្រៅក្រុងតែឯងវិញចម្ងាយ ១០០ គីឡូម៉ែត្រស៊ីសាំង ១៦,៨ លីត្រ ហើយការបើកបរក្នុងក្រុងចម្ងាយ ១០០ គីឡូម៉ែត្រស៊ីសាំង ២៦ លីត្រឯណោះ។
គួរដឹងថារថយន្តតម្លៃ ២,៤ លានអឺរ៉ូ (ស្មើប្រមាណ ២,៧ លានដុល្លារ) នេះ មានប្រើប្រាស់ម៉ាស៊ីន Quad-Turbo ទំហំ ៨ លីត្រ មានចំនួន ១៦ ស៊ីឡាំង អាចស្ទុះពី ០ ដល់ ១០០ គ.ម/ម៉ ក្នុងពេលត្រឹម ២,៤ វិនាទី៕
