[ទីផ្សារបរទេស] ទោះបីជាក្រុមហ៊ុន Ford បានបង្ហាញរូបភាពនៃរថយន្ត Ranger ស៊េរីឆ្នាំ២០២៣ ពីមុនមកក៏ដោយ។ ប៉ុន្តែមានតែម៉ូដែល Sport និង Wildtrak ប៉ុណ្ណោះ ប៉ុន្តែថ្មីៗនេះ ក្រុមហ៊ុន Ford បានបញ្ចេញរូបភាពនៃម៉ូដែល XL, XLS និង XLT ផងដែរ ដែលជាម៉ូឌែលកម្រិតទាបជាងម៉ូឌែលប្រភេទ Sport និង Wildtrak ។
ក្នុងនោះដែរម៉ូដែល Ford Ranger ស៊េរីឆ្នាំ២០២៣ XL និង XLS ដែលមានលក់ក្នុងប្រទេសអូស្រា្តលី ភ្ជាប់មកជាមួយនឹងចង្កៀងមុខ multi-reflector ពណ៌ខ្មៅ។ ខណៈពេលដែលអំពូល LED ត្រូវបានរចនាឡើងជារាងពងក្រពើនៅជិតប៉ាណាខាងមុខ។ ខណៈម៉ូដែល Sport និង Wildtrak ការរចនារាងអក្សរ C មានភាពលេចធ្លោជាង។ សម្រាប់ម៉ូដែល XL ត្រូវបានបំពាក់ដោយថាសកង់ទំហំ ១៦ អ៊ីង ខណៈដែល XLS ត្រូវបានបំពាក់ដោយយថាសកង់ស្ព័រទំហំ ១៦ អ៊ីញ ពណ៌ Dark Sparkle Silver ។
ទោះបីជាទាំងម៉ូដែល XL និង XLS ត្រូវបានបង្កើតឡើងដើម្បីផ្តោតលើអតិថិជនក្រៅប្រទេសជាចម្បងក៏ដោយ។ ប៉ុន្តែម៉ូដែលទាំង២ក៏ភ្ជាប់មកជាមួយអេក្រង់ LCD បញ្ឈរទំហំ ១០.១ អ៊ីញ ដើម្បីគ្រប់គ្រងមុខងារផ្សេងៗរបស់រថយន្ត (Wildtrak មានអេក្រង់ទំហំ ១២ អ៊ីញ)។ នៅក្នុងរូបភាព កុងទ័រឌីជីថលស្រដៀងទៅនឹងម៉ូដែល Sport និង Wildtrak បានបង្ហាញផងដែរ។ ខណៈពេលដែលព័ត៌មានលម្អិតគ្រឿងបរិក្ខារស្តង់ដារផ្សេងទៀតត្រូវរង់ចាំជិតដល់ការបញ្ចេញនៃការដាក់ដំណើរការម្តងទៀត។
ទន្ទឹមនឹងនេះដែរ ក្រុមហ៊ុន Ford ក៏បានបញ្ចេញម៉ូឌែល XLT ដែលផលិតឡើងតាមម៉ូដែល Sport និង Wildtrak ដោយបានបំពាក់មកជាមួយចង្កៀងមុខ C-Clamp LED, ប៉ាណាពណ៌ខ្មៅ និងថាសកង់ស្ព័រទំហំ ១៧ អ៊ីញ ពណ៌ Dark Sparkle Silver gray និងអេក្រង់កំសាន្ត ទំហំ ១០.១ អ៊ីង។
រថយន្ត Ford Ranger ស៊េរីឆ្នាំ២០២២ នឹងមានជម្រើស ៦ពណ៌ ក្នុងនោះរួមមាន Absolute Black, Aluminum Silver, Arctic White, Blue Lightning, Meteor Gray និង Silver Sedona Orange ខណៈដែរប្រភេទ Wildtrak បានបន្ថែម Luxe Yellow ជំនួសឲ្យ Blue Lightning ៕
