[ទីផ្សារបរទេស] កាលពីពេលថ្មីៗនេះ កន្លងទៅ ប្រទះឃើញនៅរថយន្ត NISSAN ALTIMA/TEANA កំពុងធ្វើតេស្តបើកបរសាកល្បងនៅក្នុងប្រទេសចិន មុននឹងចេញលក់ក្នុងពេលឆាប់ៗនេះ។ ក្នុងនោះ Nissan បានលក់រថយន្តប្រភេទ Altima sedan ជាច្រើននៅក្នុងទីផ្សារប្រទេសចិន។
សម្រាប់ការរចនានេះសង្កត់ធ្ងន់ទៅលើបែបស្ព័រ ជាពិសេស បំពាក់ជាមួយប៉ាណាមុខធំឲ្យឈ្មោះថា trapezoidal ដែលត្រូវបានតុបតែងជាមួយក្រូម៉េ ចង្កៀងមុខ LED ថ្មី ជាមួយអំពូលកាត់អ័ព្ទបែបស្ព័រ និងចង្កៀងខាងក្រោយត្រូវបានរចនាឡើងវិញ។
ចំពោះផ្នែកខាងក្នុងវិញបានទទួលការផ្លាស់ប្តូរជាច្រើនជាពិសេសអេក្រង់កំសាន្តបញ្ឈ touchscreen ប៊ូតុងពីរត្រូវបានកាត់ចេញដែលធ្វើឲ្យរថយន្តនេះមើលទៅស្អាតនិងទំនើប ហើយប៊ូតុងរន្ធខ្យល់ខាងក្រោមត្រូវបានកែថ្មីផង។
បើនិយាយអំពីផ្នែកម៉ាស៊ីនវិញ រថយន្តនេះមានជម្រើសម៉ាស៊ីនដូចជាម៉ាស៊ីនសាំងចំណុះ ២,០ លីត្រ VC-Turbo ផលិតកម្លាំង ២៤៨ សេះ និងកម្លាំងរមួល ៣៨០ ញ៉ូតុនម៉ែត្រ ភ្ជាប់ជាមយយប្រអប់លេខអូតូ CVT ៨វគ្គ ។ ខណៈម៉ាស៊ីន Dual C-VTC ចំណុះ ២,០ លីត្រ ទំហំ ៤ស៊ីឡាំង ផលិតកម្លាំងបាន ១៥៦ សេះ និហកម្លាំងរមួល ២០៨ ញ៉ូតុនម៉ែត្រ ប្រអប់លេខអូតូ XTRONIC CVT៕
