[បរទេស] កាលពីពេលថ្មីៗនេះ សមាគមរោងចក្រផលិតរថយន្តប្រចាំប្រទេសវៀតណាម (VAMA) បានប្រកាសកាលពីថ្ងៃអង្គារថា ការលក់រថយន្តនៅប្រទេសវៀតណាមក្នុងខែកក្កដាបានកើនឡើង ៩ភាគរយ បើធៀបនឹងខែមុន ពោលគឺកើនឡើងចំនួន ២៨ ៩២០គ្រឿង។
បើនិយាយពីប្រភពដើមរបស់រថយន្តវិញ រថយន្តដែលបានដំឡើងក្នុងស្រុកមានចំនួន ១៣ ៧៨៨ គ្រឿង កើនឡើងប្រមាណ ៦ភាគរយ ចំពោះការនាំចូលរថយន្តពីក្រៅស្រុមវិញ (CBUs) បានកើនឡើង ១១ភាគរយ ស្មើនឹង ១៥ ១៣២ គ្រឿង។
ផ្ទាំងផ្សាយពាណិជ្ជកម្ម
សរុបក្នុងរយៈពេល ៧ខែ សមាគមរោងចក្រផលិតរថយន្តប្រចាំប្រទេសវៀតណាម (VAMA) បានលក់រថយន្តសរុបចំនួន ១៦៣ ៨០៤គ្រឿង កើនឡើង ១ភាគរយ ពីមួយឆ្នាំទៅមួយឆ្នាំ ដោយការលក់រថយន្តដែលផលិតក្នុងស្រុកបានធ្លាក់ចុះ ១២ភាគរយ មកនៅត្រឹមចំនួន ៨១ ៦៣៧គ្រឿង ហើយរថយន្តនាំចូលវិញបានកើនឡើង ១៩ភាគរយ ស្មើនឹង ៨២ ១៦៧គ្រឿង៕
ផ្ទាំងផ្សាយពាណិជ្ជកម្ម
