រថយន្ត Land Cruiser ស៊េរីឆ្នាំ២០២២ ទើបតែបានបញ្ចេញលក់លើទីផ្សារមួយចំនួនតែប៉ុណ្ណោះ ហើយក្នុងនោះមានរថយន្តមួយគ្រឿងបានជាប់ពាក់ព័ន្ធនឹងគ្រោះថ្នាក់ចរាចរណ៍មួយដែលបានកើតឡើងនៅប្រទេសរុស្ស៊ី។
តាមរយៈរូបភាពបានបង្ហាញថារថយន្ត Land Cruiser ពណ៌ស បានប៉ះគ្នាជាមួយនឹងរថយន្ត Toyota Camry ពណ៌ប្រផេះ ហើយរថយន្ត SUV បានរងការខូចខាតធ្ងន់លើផ្នែកកាងខាងមុខ និងផ្នែកខាងឆ្វេងផងដែរ ខណៈដែលរថយន្ត Sedan រងការខូចខាតផ្នែកមុខខាងស្ដាំ។
ផ្ទាំងផ្សាយពាណិជ្ជកម្ម
អ្វីដែលគួរឲ្យសោកស្ដាយបំផុតនោះគឺរថយន្តនេះទើបតែដឹកជញ្ជូនដល់ដៃអតិថិជនកាលពីសប្ដាហ៍មុន ដែលម្ចាស់រថយន្តមិនទាន់បើករថយន្តអស់ចិត្តផងបែរជាមកត្រូវជួបគ្រោះថ្នាក់ជាមួយនឹងរថយន្តថ្មីសន្លាងបែបនេះទៅវិញ៕
ផ្ទាំងផ្សាយពាណិជ្ជកម្ម
