អ្នកវាយតម្លៃសុវត្ថិភាពរថយន្ត Latin NCAP បានឲ្យក្រុមហ៊ុន Kia ធ្វើការអាប់ដេតលើផ្នែកសុវត្ថិភាពនៃរថយន្ត Picanto (ឬហៅថា Morning) ដែលពួកគេកំពុងដាក់លក់នៅលើទីផ្សារអាមេរិកខាងត្បូង បន្ទាប់ពីវាទទួលបានលទ្ធផល “ផ្កាយ០” ក្នុងការធ្វើតេស្តបុរសចុងក្រោយបង្អស់មួយ។
ឆ្លងកាត់ការធ្វើតេស្តបុកខាងមុខ, តេស្តបុកចំហៀង, តេស្តកន្ត្រាក់កៅអី និង តេស្តការពារអ្នកដំណើរថ្មើរជើង រថយន្តដែលឌីហ្សាញឡើងសម្រាប់បើកបរក្នុងក្រុងនេះ ទទួលបានពិន្ទុ០ សម្រាប់ការការពារអ្នកដំណើរពេញវ័យ, ពិន្ទុ២៩ សម្រាប់ការការពារអ្នកដំណើរវ័យក្មេង និង ពិន្ទុ៥១ សម្រាប់ការការពារអ្នកដំណើរថ្មើរជើង ហើយបានពិន្ទុត្រឹមតែ ៧ប៉ុណ្ណោះ សម្រាប់មុខងារជំនួយសុវត្ថិភាព (Safety Assist)។
គួរឲ្យដឹងថា រថយន្ត Kia Picanto នេះមានបំពាក់ពោងសុវត្ថិភាពតែ ១គ្រាប់ប៉ុណ្ណោះមកស្តង់ដារ ប៉ុន្តែទោះបីជាបានបំពាក់ពោងសុវត្ថិភាពសម្រាប់អ្នកដំណើរ ក៏លទ្ធផលនៅតែបែបនេះដែរ។ នេះបើយោងតាមការអះអាងរបស់ Latin NCAP។
មិនតែប៉ុណ្ណោះ មុខងារ ABS និង ESC មិនត្រូវបានបំពាក់មកស្តង់ដារឡើយ ដោយពោងសុវត្ថិភាពការពារផ្នែកចំហៀង និងក្បាល ក៏គ្មានដាក់ឲ្យទិញជា Option បន្ថែមដែរ។
ទោះជាយ៉ាងណាក៏ដោយ រថយន្ត Kia Picanto សម្រាប់ទីផ្សារអឺរ៉ុប មានបំពាក់ពោងសុវត្ថិភាពដល់ ៦គ្រាប់, មុខងារការពារអ្នកដំណើរថ្មើរជើង និង មុខងារទប់លំនឹង ESC មកស្តង់ដារតែម្តង៕
ចង់ដឹងយ៉ាងណា សូមទស្សនាវីដេអូខាងក្រោម៖
