![RE-thumbnail-GTV](https://camboauto.com/wp-content/uploads/2024/07/RE-thumbnail-GTV-696x366.jpg)
[ក្នុងស្រុក] ក្រុមហ៊ុនផលិតរថយន្ត GTV MOTOR Cambodia ដែលជាម៉ាកយីហោផ្ទាល់ខ្លួនដំបូងគេរបស់កម្ពុជា ជំរុញកំណើនសេដ្ឋកិច្ច និងការច្នៃប្រឌិតរថយន្ត បានកំពុងដាក់លក់នៅរថយន្ត GTV Kian ស៊េរីថ្មីចុងក្រោយ ឆ្នាំ ២០២៤ ប្រភេទ mid-size SUV ជាមួយតម្លៃលក់ចាប់ពី ៣៤ ៩៥០ ដុល្លារ ដល់ ៣៧ ៩៥០ ដុល្លារ នៅទីផ្សារប្រទេសកម្ពុជា ។
![](https://camboauto.com/wp-content/uploads/2024/07/449929282_122159271812141871_5235551876076373157_n.jpg)
GTV Kian ត្រូវបានផលតឡើងនៅតួខ្លួនដែកថែបដែលមានភាពរឹងមាំដល់ទៅ ៦៥% មានប្រវែងតួខ្លួនសរុប ៤,៧៣៨ មម ទទឹង ១,៩៦៨ មម កំពស់ ១,៧០៨ មម និងប្រវែងគន្លាតកង់មុខ-ក្រោយ ២៨២០ មម ផ្តល់នៅជម្រើសម៉ាស៊ីនសាំងរបស់ក្រុមហ៊ុន Chery ចំនួន ២ រួមមាន៖
- ម៉ាស៊ីនសាំងចំណុះ ២,០ លីត្រ Turbo ទំហំ ៤ស៊ីឡាំង អាចផលិតកម្លាំងបាន ២៥៤ សេះ និងកម្លាំងរមួល ៣៩០ ញ៉ូតុនម៉ែត្រ ភ្ជាប់ដោយប្រអប់លេខអូតូ ៧វគ្គ
- ម៉ាស៊ីនសាំង ១,៦ លីត្រ ទំហំ ៤ស៊ីឡាំង ប្រើ Turbocharged អាចផលិតកម្លាំងបាន ១៩៤ សេះ និងកម្លាំងរមួល ២៩០ ញ៉ូតុនម៉ែត្រ ជាមួយរបៀបបើកបរចំនួន ៣ រួមមាន Normal, Sport និង Eco ។
![](https://camboauto.com/wp-content/uploads/2024/07/448804061_122155768838141871_8435216705079189824_n-1.jpg)
ទាក់ទងទៅនឹងរូបរាងផ្នែកខាងក្រៅ មានលក្ខណៈបែបស្ព័រ ទំនើបទាន់សម័យ ដោយផ្នែកខាងមុខមានប៉ាណាទំហំធំឌីស្សាញថ្មីប្លែក អបសងខាងដោយចង្កៀងមុខ LED បាញ់ពន្លឺច្បាស់ល្អ ការពារការជ្រៀបទឹកកំរិតខ្ពស់រចនាអូសកាត់ពីផ្នែកម្ខាងទៅដល់ផ្នែកម្ខាង ព្រមទាំងប្រើប្រាស់នៅថាសកង់ស្ព័រទំហំ ២០អ៉ីញ រួមទាំងដៃទ្វារប្រភេទ Flush-door និងចង្កៀងក្រោយ LED រចនាអូសកាត់វែង ។
![](https://camboauto.com/wp-content/uploads/2024/07/449830006_122158272896141871_7990298851386349397_n.jpg)
ចំពោះនៅផ្នែកខាងក្នុងវិញជាកាប៉ីន ៣ជួរ មាន ៧កៅអី ដោយនៅលើតាប្លូមានបំពាក់កុងទ័របង្ហាញព័ត៌មានជីឌីថលទំហំ ១២,៣ អ៉ីញ និងអេក្រង់កំសាន្ត touchscreen ទំហំ ១៤,៦ អ៉ីញ ផ្តល់ជូននៅរួបភាពបែប Panoramic ៣៦០ដឺក្រេ ក៏ដូចជាកន្លែងសាកថ្មឥតប្រើខ្សែ ហ្វ្រាំងដៃអេឡិចត្រូនិច ជាមួយមុខងារ Auto Hold ភ្លើងលម្អ និងដំបូលកញ្ចក់ Panoramic sunroof ទំហំធំផងដែរ៕
![](https://camboauto.com/wp-content/uploads/2024/07/449732502_122158272752141871_439938905126959277_n.jpg)
![](https://camboauto.com/wp-content/uploads/2024/07/448763724_122155771988141871_3142464164533565402_n.jpg)