រថយន្ត Tesla Roadster ស៊េរីថ្មីត្រូវបានបង្ហាញមុខកាលពីខែវិច្ឆិកាឆ្នាំ ២០១៧ ដែលពេលនោះមានការសន្យាថាវានឹងចេញលក់លើទីផ្សារនាឆ្នាំ ២០២០។ ក្រោយមកលោក Elon Musk បានបញ្ជាក់ថា Roadster នឹងចាប់ផ្ដើមចេញលក់ក្រោយពីការបញ្ចេញ Model S ថ្មី ដែលរំពឹងថាកើតមាននាចុងឆ្នាំ ២០២០។
យ៉ាងណាក្ដី ដំណឹងចុងក្រោយថ្មីបានឲ្យដឹងថាការចេញលក់ Tesla Roadster មិនអាចកើតមាននាឆ្នាំនេះ ហើយក៏ទំនងជាមិនមែនឆ្នាំក្រោយដែរ។ លោក Elon Musk បាននិយាយថាផែនការសម្រាប់រថយន្តស្ព័រអគ្គិសនីនឹងត្រូវពន្យារពេល ដើម្បីអាចឲ្យ Tesla នាំយកម៉ូដែលសំខាន់ជាងនេះលក់លើទីផ្សារជាមុនសិន។
លោក Elon Musk បានបញ្ជាក់ថា Tesla នឹងផលិតរថយន្ត Cybertruck ជាមុនសិន មុនបន្តផែនការសម្រាប់រថយន្ត Roadster។ គួរដឹងថា Cybertruck នឹងបញ្ចេញលក់លើទីផ្សារនាចុងឆ្នាំ ២០២១ ដូចនេះ Roadster អាចនឹងបង្ហាញមុខឆាប់បំផុតនាឆ្នាំ ២០២២ ឯណោះ៕
