ឡានអគ្គិសនីវៀតណាម លក់តម្លៃ ៣ម៉ឺនដុល្លារ សាកម្ដងជិះបាន ៣០០គ.ម

ក្រុមហ៊ុនរថយន្តវៀតណាម VinFast បានបង្ហាញចេញរថយន្តអគ្គិសនីដំបូងរបស់ខ្លួនសម្រាប់លក់លើទីផ្សារ ដែលនៅប្រទេសវៀតណាមរថយន្តម៉ូដែល VinFast e34 ស៊េរីឆ្នាំ ២០២១ គឺមានតម្លៃប្រមាណ ២៩ ៨៩៥ដុល្លារ។

រថយន្ត VinFast e34 នេះធ្លាប់បានបង្ហាញខ្លួនជាលើកដំបូងកាលពីខែមករាកន្លងទៅដែលវាបានបង្ហាញខ្លួនក្នុងឈ្មោះជា VF31 និងបានបង្ហាញវត្តមានដំណាលគ្នាជាមួយរថយន្ត VF32 និង VF33 ដែលជារថយន្តអគ្គិសនីទំហំធំពីរផ្សេងទៀតរបស់ VinFast។

ផ្ទាំងផ្សាយពាណិជ្ជកម្ម

រថយន្ត e34 នេះមានបំពាក់អាគុយទំហំ ៤២គីឡូវ៉ាត់ម៉ោង ដែលអះអាងថាអាចបើកបរបានចម្ងាយ ៣០០គីឡូម៉ែត្រពេលសាកភ្លើងពេញ។

គួរដឹងថាអតិថិជនដែលធ្វើការកុម្ម៉ង់រថយន្ត e34 មុនថ្ងៃទី៣០ខែមិថុនា ក្រុមហ៊ុន VinFast នឹងទទួលបានតម្លៃពិសេសគឺត្រឹមតែ ២៥ ៥៥០ដុល្លារ ដែលចំណេញប្រមាណ ៥០០០ដុល្លារ។ ការបញ្ចេញលក់រថយន្ត e34 នេះអាចចាប់ផ្ដើមនៅខែវិច្ឆិកា៕

ផ្ទាំងផ្សាយពាណិជ្ជកម្ម