![RE-thumbnail-hyundai](https://camboauto.com/wp-content/uploads/2024/06/RE-thumbnail-hyundai-696x366.jpg)
[បរទេស] ក្រុមហ៊ុនផលិតរថយន្ត Hyundai បានធ្វើការដាក់បង្ហាញចេញលើកដំបូងជាផ្លូវការនៅរូបភាព Teaser រថយន្តអគ្គិសនី Hyundai Inster EV ប្រើអគ្គិសនីសុទ្ធមានតម្លៃទាប សម្រាប់នៅទីផ្សារប្រទេសកូរ៉េខាងត្បូង ជាមួយតម្លៃលក់ចាប់ពី ២១ ៥០០ ដុល្លារ ។
តាមរូបភាព Teaser បានបង្ហាញពីរូបរាងជាប្រភេទអគ្គិសនីខ្នាតតូច ដោយផ្នែកខាងមុខមានចង្កៀងប្រភេទ LED រាងមូល ជាមួយអំពូលស៊ីញូដាច់ពីចេញពីគ្នា ព្រមទាំងចង្កៀងក្រោយត្រូវបានឌីស្សាញថ្មី ស្រដៀងគ្នាទៅនឹងរថយន្ត Hyundai Ioniq 5 ខណៈផ្នែកខាងក្នុង និងផ្នែកថាមពលក្រុមហ៊ុនមិនទាន់បង្ហាញនៅឡើយទេ ។
គួរបញ្ជាក់ផងដែរថា ក្រុមហ៊ុន Hyundai Motor នឹងធ្វើការដាក់បង្ហាញរថយន្តអគ្គិសនីសុទ្ធនេះ នៅឯពិព័រណ៍រថយន្ត Busan International Mobility Show 2024 ដែលធ្វើឡើងនៅថ្ងៃទី ២៧ ខែមិថុនា ឆ្នាំ ២០២៤ ៕