ផ្អែកតាមការចុះផ្សាយថ្មីៗនេះរបស់ Autocar បានឲ្យដឹងថារថយន្ត Ford Mustang Mach-E បានបង្កើតកំណត់ត្រាពិភពលោកជារថយន្តអគ្គិសនីសំចៃថាមពលបានល្អដាច់គេបំផុត។
Mustang Mach-E ត្រូវបានអះអាងថាអាចជិះបានចម្ងាយប្រមាណ ១០,៥២គីឡូម៉ែត្រ សម្រាប់ថាមពល១គីឡូវ៉ាត់ម៉ោង អំឡុងការធ្វើដំណើរមួយដែលមានចម្ងាយប្រមាណ ១៣៥១គីឡូម៉ែត្រ។ ការធ្វើដំណើរបានចាប់ផ្ដើមនៅថ្ងៃទី០៣ ខែកក្កដា និងបានប្រើប្រាស់ពេលចំនួន ២៧ម៉ោង ទើបសម្រេចបាន។
ផ្ទាំងផ្សាយពាណិជ្ជកម្ម
ក្រុមការងារអ្នកបើក បានបើកបរក្នុងល្បឿនជាមធ្យម ៥០គ.ម/ម៉ ហើយគេបានឈប់ដើម្បីសាកបញ្ចូលថាមពលចំនួនពីរលើក ដែលចំណាយពេលសរុប ៤៥នាទី។
គួរដឹងថា Mustang Mach-E ប៉ាន់ស្មានថាអាចបើកបរបានចម្ងាយប្រមាណ ៣២៣គីឡូម៉ែត្រ ទៅ ៤៩០គីឡូម៉ែត្រ សម្រាប់ការសាកបញ្ចូលថាមពលម្ដង ដោយអាស្រ័យលើទំហំអាគុយដែលមានចន្លោពី ៦៨kWh ទៅ ៨៨kWh៕
ផ្ទាំងផ្សាយពាណិជ្ជកម្ម
