[បរទេស] កាលពីពេលថ្មីៗនេះ ប្រទះឃើញរថយន្តអគ្គិសនី Tesla Model S ដ៏ចម្លែកចតនៅក្នុងប្រទេសបារាំង ជាមួយការរចនារបស់វាត្រូវបានកែលម្អដោយផ្នែកជាច្រើនដែលមើលទៅទទួលបានការបំផុសគំនិតពីតួអង្គ Iron Man។
សម្រាប់ផ្នែកខាងក្រៅ ត្រូវបានបិទដោយស្ទីកគ័រ ដែលរួមបញ្ចូលគ្នារវាងពណ៌ក្រហម ប្រផេះ មាស និងខ្មៅ។ ការផ្លាស់ប្តូរជាច្រើនត្រូវបានធ្វើឡើងចំពោះតួខ្លួន Tesla ។ ការផ្លាស់ប្តូរទាំងនេះគឺជាក់ស្តែងបំផុតនៅផ្នែកខាងមុខ ដែលរចនាថ្មីទាំងស្រុងដែលធ្វើឲ្យផ្នែកមុខមានរូបរាងស្រួច។ គម្រប់ម៉ាស៊ីនថ្មីនេះ មានលក្ខណៈពិសេសជាមួយការរចនាពណ៌ខៀវដ៏ធំដូចទៅនឹងអាវក្រោះរបស់ Iron Man, របាំងការពារភុករចនាជាពណ៌មាស និងចង្កៀងក្រោយ LED ពណ៌ស្វាយផងដែរ។
ការផ្លាស់ប្តូរយ៉ាងធំ ក៏ត្រូវបានធ្វើឡើងចំពោះផ្នែកខាងក្រោយដូចជា កាង spoiler និងកាងដែលបានរចនាឡើងវិញជាមួយនឹងបំពង់ស៊ីមាំងទំហំធំ ដែលតុបតែងជាមួយពណ៍ក្រហម ប្រាក់ និងពណ៌មាស។
សម្រាប់តម្លៃ យើងមិនដឹងថាតើម្ចាស់ Tesla នេះចំណាយប្រាក់ប៉ុន្មានដើម្បីធ្វើការកែច្នៃនេះទេ។ ជាមួយគ្នានេះដែរ នេះមិនមែនជា Tesla ដែលតុបតែងតួខ្លួនដូចទៅនឹង Iron Man ដំបូងនោះទេ ដោយកាលឆ្នាំ ២០១៩ គេបានប្រទះឃើញទាំង Tesla Model S និង Model X នៅសហរដ្ឋអាមេរិកដែលមានរចនាកែច្នៃស្រដៀងគ្នានេះដែរ៕
