[បរទេស] កាលពីពេលថ្មីនេះ រថយន្តម៉ូដែលទី ១ របស់ក្រុមហ៊ុន GAC និង Huawei រួមគ្នាផលិតនៅក្នុងគម្រោង GH project ជាប្រភេទ MPV ហើយប្រហែលមានឈ្មោះថា Xiangwang ដែលអាចនឹងមានតម្លៃខ្ទង់ ៤១ ០០០ ដុល្លារ នៅទីផ្សារប្រទេសចិន ។
គួរឲ្យដឹងថា គម្រោង GH project របស់ក្រុមហ៊ុន GAC និង Huawei បានចាប់ផ្តើមចុះហត្ថលេខាលើកិច្ចព្រមព្រៀងសហប្រតិបត្តិការដើម្បីបង្កើតម៉ាករថយន្តថាមពលឆ្លាតវៃកម្រិតខ្ពស់ (NEV) បន្ថែមលើ Trumpchi, Aion និង Hyptec ដែលមានតម្លៃរហូតដល់ទៅ ២០៥,២ លានដុល្លារសហរដ្ឋអាមេរិក ដើម្បីបង្កើតម៉ាករថយន្តថ្មីមួយបន្ថែមទៀត។
មិនត្រឹមតែប៉ុណ្ណោះ ភាគីទាំង២ ក៏គ្រោងនឹងដាក់បង្ហាញចេញរថយន្តស៊េរីទំនើបចំនួន ៣ ម៉ូដែលបន្ថែមនៅក្នុងឆ្នាំ ២០២៥ រួមទាំងរថយន្តប្រភេទ MPV, SUV និងប្រភេទ sedan ដោយម៉ូដែលថ្មីទាំងនេះនឹងត្រូវបានបំពាក់ដោយប្រព័ន្ធ Harmony cockpit និង Qiankun ADS 3.0 ចុងក្រោយបង្អស់របស់ក្រុមហ៊ុន Huawei ៕
