[ទីផ្សារបរទេស] ក្រុមហ៊ុនផលិតរថយន្ត Nissan បានធ្វើការដាក់បង្ហាញចេញនៅរថយន្ត Nissan Versa ស៊េរីឆ្នាំ ២០២៥ ប្រភេទ Sedan ជាមួយតម្លៃលក់ថ្លៃជាងឆ្នាំមុន ១ ០៦០ ដុល្លារ ពោលគឺមានតម្លៃលក់ចាប់ពី ១៧ ១៩០ ដុល្លារនៅទីផ្សារសហរដ្ឋអាមេរិក ។
Nissan Versa ថ្មីនេះ ដំណើរការដោយម៉ាស៊ីនសាំងចំណុះ ១,៦លីត្រ ទំហំ ៤ស៊ីឡាំង អាចផលិតកម្លាំងបាន ១២២ សេះ និងកម្លាំងរមួល ១៥៤ ញ៉ូតុនម៉ែត្រ ភ្ជាប់ដោយប្រអប់លេខដៃ ៥វគ្គ រួមទាំងជម្រើសប្រអប់លេខអូតូ Xtronic CVT ផងដែរ ។
ផ្ទាំងផ្សាយពាណិជ្ជកម្ម
រថយន្តនេះមានភ្ជាប់មកជាមួយប៉ាណាមុខទំហំធំ ចង្កៀងមុខ-ក្រោយ LED ក៏ដូចជាថាសកង់ស្ព័រទំហំ ១៧អ៉ីញ រួមទាំងអេក្រង់កំសាន្ត touchscreen ទំហំ ៨អ៉ីញ កន្លែងសាកថ្មឥតប្រើខ្សែ និងប្រព័ន្ធជំនួយការអ្នកបើកបរ ADAS ជាដើម ៕
ផ្ទាំងផ្សាយពាណិជ្ជកម្ម
