- Royal Enfield បើកបង្ហាញម៉ូឌែលថ្មី និងទាន់សម័យ Hunter 350 – ការរួមបញ្ចូលគ្នាដ៏ពិសេសនៃស្ទាយ old-school ជាមួយនឹងស្ទាយដ៏ឡូយក្នុងយុគ្គសម័យថ្មី ត្រូវបានបង្កើតឡើងដើម្បីផ្តល់ឱ្យអ្នកនូវការជិះម៉ូតូប្រចាំថ្ងៃដ៏អស្ចារ្យ។
- ម៉ូឌែលថ្មី Hunter 350 នាំមកនូវបទពិសោធន៍ដ៏ខ្លាំងក្លានៃការជិះម៉ូតូសុទ្ធសាធនៅក្នុងទម្រង់នៃការបើកបរថ្មីដែលបានសម្រិតសម្រាំង រួមបញ្ចូលជាមួយនឹងកម្លាំងបង្វិលជុំពីម៉ាស៊ីនស៊េរី J ដែលចម្រាញ់ដ៏អស្ចារ្យ
- Hunter 350 ត្រូវបានរចនាឡើងដើម្បីផ្តល់នូវភាពបត់បែនដ៏អស្ចារ្យ និងការគ្រប់គ្រងដ៏ងាយស្រួល ជាមួយនឹងកម្លាតកង់ពីមុខទៅក្រោយដែលខ្លីជាងមុន ជាមួយយ៉ាន់ស្ព័រទំហំ 17អ៉ីញ ទម្ងន់ស្រាលជាងមុន និងស៊ុមបង្រួម ដែលធ្វើឱ្យម៉ូតូនេះបង្កើតឡើងក្នុងគោលបំណងដើម្បីរុករកផ្លូវក្នុងទីក្រុង និងតំបន់អ៊ូរអរមួយចំនួន។
- ណែនាំក្នុងពណ៌ដ៏ទាក់ទាញចំនួនប្រាំមួយ | ពិសេស រូបរាងទាន់សម័យ និងមានអារម្មណ៍ក្នុងតម្លៃសមរម្យបំផុត | ចាប់ផ្តើមពី THB MSRP XXX (រួមបញ្ចូលអាករ – បាងកក)
នាថ្ងៃទី ៧ ខែសីហា ឆ្នាំ ២០២២កន្លងទៅ ក្រុមហ៊ុន Royal Enfield ដែលជាក្រុមហ៊ុនឈានមុខគេលើពិភពលោកក្នុងផ្នែកម៉ូតូធុនមធ្យម (250cc-750cc) បានសម្ពោធម៉ូឌែល Hunter 350 ស៊េរីថ្មី ដែលជាប្រភេទម៉ូតូ ‘two-wheeled double espresso’។ Hunter 350 ស៊េរីថ្មី នេះត្រូវបានបង្កើត និងឌីហ្សាញឡើងសម្រាប់ការជិះនៅក្នុងទីក្រុងដែលមានភាពអ៊ូរអរ ដោយភ្ជាប់មកជាមួយការកែច្នៃដែលបញ្ចូលនូវអត្តសញ្ញាណរបស់ Royal Enfield ដែលតែងតែគិតគូរទៅលើទម្រង់អង្គុយរបស់អ្នកបើកបរ ដើម្បីផ្ដល់ភាពងាយស្រួល ទាន់សម័យ តូចច្រឡឹង ងាយស្រួលក្នុងការបើកបរនៅក្នុងទីក្រុង ឬ តំបន់ដែលមានមនុស្សកកកុញ ហើយថែមទាំងផ្ដល់នូវទំនុកចិត្តដល់អ្នកបើកបរ និងភាពឡូយអស្ចារ្យផងដែរ។
នៅពេលដែលពិភពម៉ូតូ បានផ្លាស់ប្តូរការផ្ដោតពីភាពល្អិតល្អន់ និងស្មុគ្រស្មាញ ទៅជាមុខងារ និងសាមញ្ញដែលមានភាពប៉ិនប្រសប់ក្នុងការរចនា និងការបង្ហាញពីខ្លួនឯងនោះ Royal Enfield បានចាប់ផ្ដើមភារកិច្ចរបស់ខ្លួនក្នុងការបង្កើតម៉ូតូមួយសម្រាប់ជិះក្នុងទីក្រុងដ៏ធំមួយ ដែលសមឥតខ្ចោះក្នុងការធ្វើដំណើរ ឬរុករកពេញក្រុង ឬ តំបន់ដែលអ៊ូរអរខ្លាំង។ ម៉ូតូដែលថ្មីស្រឡាង ប៉ុន្តែបង្កប់នូវភាពស្រស់ស្អាតនៃស្ទីល (old school) ជាមួយនឹងការរក្សានូវ DNA សំខាន់ៗ របស់ Royal Enfield។ នៅមុនពេលដែលម៉ូតូត្រូវបានបង្ហាញចេញមក Hunter 350 គឺជាម៉ូតូដែលលាយបញ្ចូលគ្នាដ៏ល្អឥតខ្ចោះ ទាំងការផ្ដល់នូវភាពរីករាយដ៏អស្ចារ្យ និងមើលទៅរឹងមាំហើយរំលេចនូវការរចនាស្ទីល retro-metro ដែលបង្កប់នូវភាពខ្លាំងក្លានៃការបើកបរ ជាមួយភាពទាន់សម័យ និងលេចធ្លោបំផុតនៅក្នុងទីក្រុង។
នៅពីក្រោយការបំផុសគំនិតនៃ Hunter 350 លោក Siddhartha Lal នាយកគ្រប់គ្រង Eicher Motors Ltd. បាននិយាយថា៖ “នៅ Royal Enfield យើងមានទំនាក់ទំនងយ៉ាងជិតស្និទ្ធជាមួយអ្នកប្រើប្រាស់ និងសហគមន៍របស់យើង។ បំណងប្រាថ្នា និងការចង់បានរបស់ពួកគេ ធ្វើឱ្យយើងអាចបង្កើតម៉ូតូដែលពួកគេចង់បាន ហើយយើងតែងតែស្វែងរក ដើម្បីបង្កើតបទពិសោធន៍ថ្មី និងទម្រង់ថ្មីនៃការជិះម៉ូតូសុទ្ធសាធសម្រាប់សហគមន៍របស់យើង។ ជាមួយគ្នានេះ មានក្រុមអ្នកជិះម៉ូតូដែលស្រលាញ់ម៉ាករបស់យើង ប៉ុន្តែពេលខ្លះមិនទាន់មានម៉ូឌែលណា ដែលងាចទាក់ចិត្ត និងត្រូវជាមួយការចង់បានរបស់ពួកគេនោះឡើយ ប៉ុន្តែ The Hunter 350 នេះគឺសម្រាប់ពួកគេ។ ម៉ូឌែលនេះ គឺជាម៉ូតូដែលរួមបញ្ចូលគ្នានូវភាពខ្លាំងនៃប្រភេទផ្សេងៗគ្នា ហើយបាននាំមកនូវការបញ្ចូលគ្នាមួយកំប្លេទាំងភាពទាន់សម័យ និងភាពរីករាយ ដើម្បីផ្ដល់នូវរសជាតិថ្មីនៃការជិះម៉ូតូសុទ្ធសាធជាមួយយីហោ Royal Enfield”។
Hunter 350 មានលក្ខណៈពិសេសប្លែកពីគេក្នុងត្រកូល Royal Enfield។ បង្កើតឡើងនៅលើវេទិកា J-series 350cc ដែលទទួលបានពានរង្វាន់ រួមផ្សំជាមួយនឹងតួ Harris Performance ដែលអាចបត់បែនបានខ្ពស់ Hunter ផ្តល់នូវភាពរហ័សរហួននៅលើដងផ្លូវក្នុងទីក្រុង និងភាពទាក់ទាញ ហើយរីករាយនៅលើផ្លូវដែលទូលាយ។
ជាមួយគ្នានេះ នៅក្នុងពិធីសម្ពោធ Hunter 350 នាយកប្រតិបត្តិក្រុមហ៊ុន Royal Enfield លោក B Govindarajan បាននិយាយថា៖ “The Hunter 350 គឺជាលទ្ធផលនៃការប្រមូលផ្តុំការយល់ដឹងជាច្រើនឆ្នាំ និងការសិក្សាអំពីអ្នកប្រើប្រាស់មកពីជុំវិញពិភពលោក។ វាជាម៉ូតូដែលផ្ដល់នូវអារម្មណ៍ងាយស្រួលពេលជិះក្នុងទីប្រជុំជនធំៗ ហើយបង្កើននូវភាព រំភើបនិងទំនុកចិត្តតសម្រាប់អ្នកជិះដែលមានបទពិសោធន៍មិនតែប៉ុណ្ណោះងាយស្រួលសម្រាប់អ្នកជិះថ្មីថ្មោង។ ជាមួយនឹងប្រវែងកង់ពីមុខទៅក្រោយខ្លីជាងមុន ការរចនាទម្រង់អង្គុយតូចជាងមុន និងទំងន់ស្រាលជាងមុន ធ្វើឱ្យម៉ូតូនេះមានភាពរហ័សរហួន និងអាចបត់បែនបានគ្រប់បរិបទក្នុងទីក្រុង។ យើងមានទំនុកចិត្តយ៉ាងខ្លាំងថា ម៉ូតូដែលត្រូវបានគិតឡើងវិញថ្មី នេះនឹងនាំអ្នកប្រើប្រាស់ទូទាំងពិភពលោកចូលមកក្នុងពិភពម៉ូតូធំរបស់យើង”។
អ្វីៗគ្រប់យ៉ាង មិនថា ជាសំឡេង ពណ៌ ការគ្រប់គ្រង និងដំនើរការ ម៉ូតូ Hunter 350 ត្រូវបានរចនាឡើងដើម្បីដាស់អារម្មណ៍អ្នកជាមួយនឹងបទពិសោធន៍ដែលអ្នកមិនធ្លាប់បានជួប។
Hunter មាន រូបរាង បែប សហសម័យ ជាមួយនឹងការចនាពីរពណ៌, យ៉ាន់កង់ស្ព័រ, សំបកកង់គ្មានពោះវៀនដ៏ធំទូលាយ និង ស្តុបខាងក្រោយរាងមូល។ ម៉ូតូនេះមកជាមួយជម្រើសពណ៌ចំនួន ៥ ពណ៌ ដែលអាចជ្រើសរើសទៅលើពណ៌នៃធុងសាំងដែលត្រូវបានរចនាយ៉ាងឡូយចំនួន ៣ និងជម្រើសក្រាហ្វិកសម្រាប់ប្រភេទមួយ។ ក្រៅពីនេះ ក៏មានប្រភេទកំពូលចំនួន ១ទៀត ដែលបានបង្កើតឡើងជាមួយនឹងជម្រើសនៃការរចនាធុងសាំងដ៏ប្លែកដែលមិនធ្លាប់មានចំនួន ៣ នៅក្នុងការឌីហ្សាញរបស់ Royal Enfield។
Hunter ត្រូវបានបំពាក់ដោយយ៉ាន់ស្ព័រ នៅលើកង់ខាងមុខទំហំ ១១០/៧០ x ១៧អ៉ីញ និងកង់ក្រោយទំហំ ១៤០/៧០ x ១៧អ៉ីញ សម្រាប់ការទប់លំនឹង និងរូបរាងដ៏ល្អ។ ហ្វ្រាំងឌីសខាងមុខ ៣០០mm និងខាងក្រោយ ២៧០mm, dual channel ABS និងជន្ទល់កណ្តាល។ ជាមួយគ្នានេះ វាក៏បំពាក់ចង្កៀងក្រោយ LED និង ចង្កោមឧបករណ៍ digital-analogue លំដាប់ខ្ពស់ ដែលបង្ហាញពី odometer, tripmeter, gear indicator, កម្រិតធុងសាំង ជាមួយនឹងការរំលឹកបង្ហាញនៅពេលជិតអស់សាំង,ម៉ោង មកមួយកំប្លេយ៉ាងទាន់សម័យតែម្ដង។ ប្រភេទនៃ Hunter ទាំងអស់បំពាក់មុខងារគ្រប់គ្រងរបាដៃ ថាមពលបង្វិល និងកុងតាក់ចុចបិទបើកគឺផ្ដល់ភាពងាយស្រួលក្នុងការប្រើ ហើយម៉ូតូនេះក៏ហើយត្រូវបានបំពាក់ជាមួយនឹងរន្ធសាក USB ផងដែរ។
លោក Mark Wells ប្រធានផ្នែករចនារបស់ Royal Enfield បាននិយាយថា “វាហាក់ដូចជារឿងងាយស្រួល បំផុតនៅក្នុងពិភពលោកសម្រាប់ Royal Enfield ក្នុងការអភិវឌ្ឍន៍ម៉ូតូ 350 Roadster ដ៏រីករាយ ស្រាលជាងមុន និងរហ័សជាងមុន។ វាមើលទៅស្រស់ស្អាត ប៉ុន្តែនៅតែជា Royal Enfield ដ៏ពេញលេញ។ រាល់ពេលដែលខ្ញុំក្រឡេកមើលវា Hunter ផ្តល់ឱ្យខ្ញុំនូវអារម្មណ៍មិនខ្វល់ខ្វាយកាលពីខ្ញុំនៅក្មេង ជាមួយការបង្ហោះកង់ ហើយការជួបជុំជាមួយមិត្តរបស់ខ្ញុំ”។
ការគិតគូរលើទម្រង់អង្គុយនៅតួរបស់ម៉ូតូ Hunter 350 ត្រូវបានរចនាឡើងដើម្បីផ្តល់នូវសមាមាត្រកម្ពស់ និងទម្ងន់ដ៏ល្អប្រសើរ ខណៈពេលដែលផ្តល់នូវផាសុកភាពល្អលើសគេ ដោយសារកៅអីធំទូលាយ និងវែងរបស់វា។ ជាមួយនឹងការកែទម្រុងមុំជាច្រើន កម្ពស់កៅអីទាប ៨០០mm និងគម្លាតកង់ពីកង់មុខទៅក្រោយខ្លីជាងមុន បង្កើតបានជាភាពបត់បែនពិសេសរបស់ Hunter ដែលជំរុញឱ្យមានទំនុកចិត្តកាន់តែខ្លាំងនៅពេលឆ្លងកាត់ផ្លូវចង្អៀត ហើយមានអារម្មណ៍ថាត្រូវបានទប់លំនឹង និងមានស្ថេរភាពនៅគ្រប់ទីតាំង និងស្ថានភាព។
លើសពីនេះ Hunter ត្រូវបានបំពាក់ម៉ាស៊ីនស៊ីឡាំងតែមួយដ៏ទំនើប J-series ដែលមានកម្លាំង ៣៤៩cc ដែលទទួលបានការទទួលស្គាល់ជាសាកល ដែលទើបនឹងចេញនៅលើ Meteor និង Classic 350។ ធុងចាក់ប្រេង, ផលិតកម្លាំង ២០,២ bhp នៅ ៦១០០ rpm និង ២៧Nm នៃកម្លាំងបង្វិលជុំនៅ 4000rpm បង្កើតឱ្យមានកម្លាំងខ្លាំង, ការបញ្ចេញសម្លេងរំខានទាប, ការចែកចាយថាមពលលីនេអ៊ែរដ៏រលូនល្អ និងការបើកបរដែលមានទាំងការកែលម្អ និងកម្លាំង។ ជាមួយនឹង primary balancer shaft ដើម្បីកាត់បន្ថយរំញ័រ កាន់តែបង្កើនភាពប្រសើរឡើង ខណៈពេលដែលការ ផ្លាស់ប្តូរប្រអប់លេខមិនទាក់ និងរលូន ដោយសារប្រអប់លេខ ៥ល្បឿន ដែលបានធ្វើឱ្យប្រសើរឡើង។
Hunter ត្រូវបានគាំទ្រដោយប្រព័ន្ធអេកូនៃគ្រឿងបន្លាស់ម៉ូតូពិតប្រាកដ ដែលទាំងនេះអាចត្រូវបានបន្ថែមនៅពេលបញ្ជាទិញម៉ូតូ ឬនៅពេលក្រោយ។ សម្រាប់ Suburban range មានបំពាក់នូវឧបករណ៍ភ្ជាប់ការពារ និងមុខងារ ដូចជាម៉ាស៊ីន និងរបាំងការពារ បន្ទះដាក់ និងអីវ៉ាន់ កៅអីផ្ទាល់ខ្លួន និងកញ្ចក់សម្រាប់ដំណើរកម្សាន្ត។ ជាមួយគ្នានេះដែរ ជម្រើសនៅក្នុង Suburban range រួមមាន កៅអី អង្គុយដែលត្រូវបានរចនាឡើងយ៉ាងសម្រិតសម្រាំង អំពូល LED ពណ៌ខ្មៅ របាំងការពារ និងសន្ទបការពារក្រោយដ៏ស្រស់ស្អាត។ ទាំងអស់នេះ សុទ្ធតែមានគុណភាពល្អ ផ្ដល់ភាពងាយស្រួល និងសមបំផុតទៅនឹងម៉ូតូរបស់អ្នក។ ហើយដើម្បីបង្ហាញពីស្ទីលរបស់ខ្លួនឯងបន្ថែមទៀត អ្នកអាចជ្រើសរើសឧបករណ៍តុបតែងខ្លួនសម្រាប់ការបើកបររួមមាន អាវយឺត និងគ្រឿងប្រើប្រាស់ផ្ទាល់ខ្លួនដ៏ឆ្លាតវៃ។
យ៉ាងណាមិញ Hunter នឹងត្រូវដាក់ឱ្យដំណើរការនៅទូទាំងទីផ្សារសំខាន់ៗក្នុងអាស៊ីប៉ាស៊ីហ្វិកមុនដំណាច់ឆ្នាំនេះ ហើយនៅត្រីមាសទី១ នៃឆ្នាំបន្ទាប់ នឹងដាក់ឱ្យដំណើរការនៅអឺរ៉ុប និងអាមេរិក៕
អំពី Royal Enfield
យីហោម៉ូតូចាស់ជាងគេក្នុងការផលិតបន្ត គឺ Royal Enfields បានបង្កើតម៉ូតូច្នៃយ៉ាងស្រស់ស្អាតតាំងពីឆ្នាំ១៩០១។ ពីប្រភពដើមរបស់អង់គ្លេស រោងចក្រផលិតត្រូវបានបង្កើតឡើងនៅ Madras នៅឆ្នាំ ១៩៥៥ ដែលជាកន្លែងឈរជើងដែលរ៉ូយ៉ាល់ Enfield នាំមុខការរីកចម្រើនរបស់អ្នកជិះម៉ូតូធុនមធ្យមចំនួន ២ របស់ឥណ្ឌា។ Royal Enfields កំពុងបញ្ជូលភាពមិនស្មុគស្មាញ អាចដំណើរការបានល្អ និងភាពរីករាយក្នុងការជិះ ទោចក្រយានយន្តសម្រាប់ការរុករក និងការបញ្ចេញគំនិតដោយខ្លួនឯងទាំងនេះហើយ ដែលជាវិធីសាស្រ្តមួយដែលយីហោ Royal Enfields ហៅថាម៉ូតូសុទ្ធសាធ។
ការដាក់បង្ហាញរបស់ Royal Enfield រួមបញ្ចូលទាំង Meteor 350 ស៊េរីថ្មីទាំងអស់, Interceptor 650 និងបងប្អូនភ្លោះ Continental GT 650 ,ម៉ូតូផ្សងព្រេង Himalayan , Bullet 500 និង Classic 500 ។ អ្នកជិះម៉ូតូ និងអ្នកដែលនិយមចូលចិត្តម៉ូតូបែបនេះ នឹងទទួលបានការគាំទ្រយ៉ាងខ្លាំងពីព្រឹត្តិការណ៍គ្រប់កម្រិតទាំងថ្នាក់តំបន់ និងអន្តរជាតិ អ្វីដែលគួរអោយកត់សំគាល់បំផុតនោះ គឺការជិះម៉ូតូ ដែលជាការជួបជុំជារៀងរាល់ឆ្នាំរបស់មនុស្សរាប់ពាន់នាក់ដែលមានការចាប់អារម្មណ៍ពី Royal Enfield នៅ Goa និង Himalayan Odyssey ដែលធ្វើឡើងជាប្រចាំឆ្នាំនៅលើ ផ្លូវ ដី ដែលពិបាក និងឆ្លងកាត់ភ្នំខ្ពស់បំផុត។
ផ្នែកមួយនៃ Eicher Motors Limited, Royal Enfield ប្រតិបត្តិការតាមរយៈហាងជាង ២១០០ នៅទូទាំងទីក្រុង និងទីប្រជុំជនសំខាន់ៗទាំងអស់ក្នុងប្រទេសឥណ្ឌា និងតាមរយៈហាងជិត ៨៥០ នៅក្នុងប្រទេសជាង ៦០ ជុំវិញពិភពលោក។ មិនតែប៉ុណ្ណោះ Royal Enfield ក៏មានមជ្ឈមណ្ឌលបច្ចេកទេសលំដាប់ពិភពលោកចំនួនពីរផងដែរ គឺនៅ Bruntingthorpe ចក្រភពអង់គ្លេស និងនៅ Chennai ប្រទេសឥណ្ឌា។ រោងចក្រផលិតទំនើបបំផុតចំនួនពីររបស់ក្រុមហ៊ុនមានទីតាំងនៅ Oragadam និង Vallam Vadagal នៅជិត Chennai ។ នៅទូទាំងពិភពលោក Royal Enfield មានឧបករណ៍ដំឡើង CKD ទំនើបចំនួនបីនៅក្នុងប្រទេសថៃ អាហ្សង់ទីន និងកូឡុំប៊ី។ ជាមួយនឹង CAGR ច្រើនជាង ៣៧% ក្នុងរយៈពេល ៥ ឆ្នាំចុងក្រោយនេះ ហើយការលក់នៅលើទីផ្សារអន្តរជាតិកើនឡើង ១០៨% ក្នុងឆ្នាំ ២០២១-២០២២ ដែលនាំឱ្យ Royal Enfield គឺជាអ្នកនាំមុខគេនៅក្នុងទីផ្សារម៉ូតូខ្នាតមធ្យមពិភពលោក៕
