[ទីផ្សាររថយន្តក្នុងស្រុក] ក្រោយពីទទួលការចាប់អារម្មណ៌យ៉ាងខ្លាំងពីសំណាក់អតិថិជនរបស់ខ្លួន រហូតដល់មានប្រទេសខ្លះត្រូវបានបិទការកក់ទុក និងកុម្ម៉ងដោយសារតែចំនួនច្រើនលើសលប់ ហើយក៏មានដាក់បំរាមផ្សេងៗទាក់ទងនឹងកំពូលរថយន្ត Off-Road របស់តូយ៉ូតានោះ ឥឡូវនេះក្រុមហ៊ុនផ្លូវការចាប់ផ្តើមបើកទទួលកក់រថយន្ត Land Cruiser ម៉ូឌែលឆ្នាំ ២០២២ ជាមួយជម្រើស ៣ប្រភេទ៖ GR-S (Gazoo Racing Sport), ZX និង VX ដែលត្រូវបានក្រុមហ៊ុនបញ្ជាក់ថា មកជាមួយលក្ខណៈពិសេសលំដាប់កំពូលបំផុត រីឯតម្លៃវិញត្រឹមតែ ១៨៥ ០០០ដុល្លារប៉ុណ្ណោះ។
ចំពោះប្រភេទរថយន្ត GR-S គឺមកពីពាក្យពេញ Gazoo Racing Sport ហើយនេះជាផ្នែកមួយនៃក្រុមហ៊ុនតូយ៉ូតាដែលផ្តោតលើការបង្កើតនូវសម្ថភាព និងការបើកបរបែបផ្លូវលំបាកៗ។ កត្តាដែលធ្វើឱ្យរថយន្តនេះលេចធ្លោនិងខុសប្លែកពីចំណាត់ថ្នាក់ផ្សេងទៀតនោះគឺ៖
- ការរចនាផ្នែករូបរាងបែបស្ព័រ ទាំងខាងក្រៅនិងផ្នែកខាងក្នុង
- ការផ្លាស់ប្តូរប្រពន្ធ័ជើងក្រោមរថយន្តថ្មី ដែលកាន់តែផ្តល់នូវសុវត្ថិភាពនិងផាសុកភាពដល់អ្នកបើកបរ និង អ្នករួមដំណើរ
- បំពាក់ប្រព័ន្ធ e-KDSS ដែលទប់លំនឹងពេលបើកបរផ្លូវឧបសគ្គធំៗ ដែលមកពីពាក្យពេញ Electronic
Kinetic Dynamic Suspension System - ប្រពន្ធ័សុវត្ថិភាពថ្មីៗ ដូចជា៖
- ប្រព័ន្ធកំណត់ការបើកបរដោយស្វ័យប្រវត្តិ (Auto MTS)
- ប្រពន្ធ័បង្ហាញឧបសគ្គនៅពេលឡើងចំណោត (3D MTM)
- ប្រពន្ធ័ Lock ប៉ុង (Diff Lock) និងមុខងារជាច្រើនផ្សេងទៀត
បើយើងក្រឡេកទៅមើលរថយន្ត LC300 ZX វិញគឺជារថយន្តប្រភេទ SUV Luxury ដែលមានលក្ខណៈ
ពិសេសៗដូចជា៖
- ការរចនាផ្នែកខាងក្រៅបែបថ្មីដែលមើលទៅមានភាពលេចធ្លោ និងស៊ីវិល័យ
- ប្រពន្ធ័កែសម្រួលជើងក្រោមដោយស្វ័យប្រវត្តិតាមស្ថានភាពផ្លូវ
- ប្រពន្ធ័ Lock ប៉ុងដោយស្វ័យប្រវត្តិ
- បន្ថែមពីលើនេះក៏មានបំពាក់នូវមុខងារទំនើបៗនិងចុងក្រោយបង្អស់របស់ក្រុមហ៊ុនតូយ៉ូតា
អប់សិនចុងក្រោយដែលគ្រោងនឹងដាក់លក់ជាផ្លូវការនោះគឺ Land Cruiser កំរិត VX ដែលផ្តល់នូវផាសុកភាពនិងសម្ថភាពប្រហាក់ប្រហែលគ្នាទៅនឹង Landcruiser កំរិត ZX ដែរ យ៉ាងណាមិញរូបរាងខាងក្រៅយើងអាចកំណត់បានពីភាពខុសគ្នាបើក្រឡេកមើលមួយភ្លែត។
សម្រាប់ពត៌មានលំអិតសូមទំនាក់ទំនងទៅកាន់លេខ ០17 333 503 រឺ 086 333 503 ឬក៏ចូលទៅកាន់បណ្តាញទំនាក់ទំនងសង្គមរបស់ក្រុមហ៊ុន តូយ៉ូតា (ខេមបូឌា) ដែលមានដូចជា Facebook Telegram Youtube Website Instagram
វីដេអូ៖
