កម្មវិធីពិព័រណ៌រថយន្ត Geneva Motor Show ឆ្នាំ២០២០ ត្រូវបានលុបចោល ដោយសារតែជំងឺកូវីដ១៩ ខណៈក្រុមអ្នករៀបចំកម្មវិធីនេះ ទើបតែបានសម្រេចចិត្ត និងប្រកាសលុបចោលកម្មវិធី Geneva Motor Show ប្រចាំឆ្នាំ២០២១ ទៀត។
ក្រុមអ្នករៀបចំកម្មវិធីបាននិយាយថា ក្រុមហ៊ុនផលិតរថយន្តត្រូវការពេលវេលាដើម្បីងើបចេញពីបញ្ហាជំងឺកូវីដ១៩ ហើយគេគិតថា កម្មវិធី Geneva Motor Show ប្រចាំឆ្នាំ២០២១ នឹងមិនអាចទាក់ទាញមនុស្សឲ្យចូលរួមទស្សនាដូចមុនឡើយ។
ផ្ទាំងផ្សាយពាណិជ្ជកម្ម
ក្រៅពីលុបចោលកម្មវិធី Geneva Motor Show ប្រចាំឆ្នាំ២០២១ ក្រុមអ្នករៀបចំក៏បានប្រកាសពីគម្រោងដាក់លក់កម្មវិធីនេះ ឲ្យទៅក្រុមហ៊ុន Palexpo SA ផងដែរ។
ក្រុមអ្នករៀបចំបានពន្យល់ឲ្យដឹងថា ការលុបចោលកម្មវិធីភ្លាមៗនៅក្នុងឆ្នាំនេះ ធ្វើឲ្យពួកគេខាតអស់ ១១,៥លានដុល្លារឯណោះ។ ទោះជាយ៉ាងណាក៏ដោយ គេមិនទាន់ដឹងថា ពួកគេនឹងដាក់លក់កម្មវិធីនេះក្នុងតម្លៃប៉ុន្មានឡើយ៕
ផ្ទាំងផ្សាយពាណិជ្ជកម្ម
