ចំនួនលក់នៃរថយន្ត Chevrolet Camaro បានធ្លាក់ចុះគួរឲ្យកត់សម្គាល់ ក្នុងត្រីមាសទី២ នៃឆ្នាំ២០២០ នេះ ដោយសារតែបញ្ហាកូវីដ១៩។ ទោះជាយ៉ាងណា រថយន្ត Ford Mustang និង Dodge Challenger បានលក់ដាច់គ្រាន់បើជាងវិញ។
ក្នុងត្រីមាសទី២ នេះ រថយន្ត Camaro ចំនួន ៦ ៦៧៥គ្រឿង ត្រូវបានលក់ចេញនៅសហរដ្ឋអាមេរិក ធ្លាក់ចុះ ៤៦,៣១% បើប្រៀបធៀបនឹងចំនួនលក់សរុប ១២ ៤៣៣គ្រឿង កាលពីត្រីមាសទី២ ឆ្នាំ២០១៩។
មិនតែប៉ុណ្ណោះ នៅលើទីផ្សារដទៃទៀត Chevrolet ក៏លក់រថយន្ត Camaro មិនដាច់ដែរ ជាក់ស្តែងដូចជា កូរ៉េខាងត្បូង បាន ១៥គ្រឿង, មិចស៊ីកូ ៨គ្រឿង និង ប្រេស៊ីល បានតែ១គ្រឿងគត់។
ផ្ទាំងផ្សាយពាណិជ្ជកម្ម
ដោយឡែក ដៃគូប្រជែងដូចជា Ford Mustang លក់ដាច់ច្រើនជាង សរុប ១៥ ៧១៧គ្រឿង (ធ្លាក់ចុះ ២៧,៣២%) និង Dodge Challenger លក់ដាច់ ៩ ៨៨០គ្រឿង (ធ្លាក់ចុះ ៣៥,១៦%) ក្នុងត្រីមាសទី២ នៃឆ្នាំ២០២០ នេះ៕
ផ្ទាំងផ្សាយពាណិជ្ជកម្ម
