ក្រុមហ៊ុន SAIC-GM-Wuling បានចេញលក់រថយន្តថ្មីនៅក្នុងប្រទេសចិន គឺម៉ាក Hong Guang V 1.2L ដោយមានតម្លៃចាប់ពី ៤២ ៩០០យ័ន ឬស្មើនឹងខ្ទង់ ៦ ១៣៥ដុល្លារ។
រថយន្ត Hong Guang V 1.2L ចែកចេញជា ៣ម៉ូដែល ក្នុងនោះរួមមានប្រភេទម៉ាស៊ីនតូចចំណុះ ១,២លីត្រ naturally aspirated មានកម្លាំង ៧៥សេះ ហើយប្រើប្រអប់លេខដៃ ៥វគ្គ។
ផ្ទាំងផ្សាយពាណិជ្ជកម្ម
ក្រុមហ៊ុនខាងលើអះអាងថា ក្រៅពីមានលំនឹងល្អ, ខ្លាំង និងស៊ីសាំងតិច រថយន្តរបស់ខ្លួនក៏បានបំពេញតាមស្តង់ដារបញ្ចេញផ្សែងពុល China 6B Emission Standard ដែរ។ ក្រៅពីនោះ វាមានបំពាក់ប្រព័ន្ធហ្វ្រាំង ABS និង EBD ព្រមទាំងចង្កូតប្រើភ្លើងទៀតផង។ បន្ថែមពីនេះ Hong Guang V 1.2L មានកាប៊ីនធំទូលាយ ស្មើនឹងរថយន្ត BMW 3-Series Sedan ផងដែរ៕
ផ្ទាំងផ្សាយពាណិជ្ជកម្ម
