Lamborghini Centenario គឺជារថយន្តដែលផលិតឡើងជាពិសេសដើម្បីអបអរសាទរដល់ខួប ១០០ ឆ្នាំរបស់លោក Ferruccio Lamborghini ដែលជាអ្នកបង្កើតក្រុមហ៊ុនរថយន្តនេះឡើង។ រថយន្តនេះបានបង្ហាញខ្លួនឆ្នាំ ២០១៦ ហើយមានផលិតត្រឹម ៤០ គ្រឿង ដោយមាន ២០ គ្រឿងជាប្រភេទ Coupe និង ២០ ទៀតជាប្រភេទ Roadster។
ចំពោះ Lamborghini Centenario Roadster មានតម្លៃដើម ១,៩ លានដុល្លារ ប៉ុន្តែមានម៉ូដែលដែលផលិតនៅឆ្នាំ ២០១៨ មួយគ្រឿង ត្រូវបានគេប្រទះឃើញដាក់លក់នៅលើវិបសាយរថយន្ត JamesEdition របស់អារ៉ាប៊ីសាអ៊ូឌីត ក្នុងតម្លៃដល់ទៅ ៤ លានដុល្លារឯណោះ។
Centenario ជារថយន្តមហាកម្លាំងមួយ ដែលប្រើប្រាស់ម៉ាស៊ីន ១២ ស៊ីឡាំង ចំណុះ ៦,៥ លីត្រ អាចបង្កើតកម្លាំងបាន ៧៥៩ សេះ។ ម៉ាស៊ីននេះអាចបង្កើនសន្ទុះពី ០ – ១០០ គ.ម/ម៉ ក្នុងពេលត្រឹមតែ ២,៨ វិនាទី និងល្បឿនអតិបរមា ៣៤៩ គ.ម/ម៉។ ខាងក្រោមជារូបភាពបន្ថែមបង្ហាញពីរូបរាង Lamborghini Centenario ដែលកំពុងលក់តម្លៃ ៤ លានដុល្លារ ៖
