ថ្មីៗនេះ ក្រុមហ៊ុនរថយន្តកូរ៉េ Genesis បានបង្ហាញចេញនូវរថយន្ត G70 ស៊េរីថ្មី ដោយបានកែកុនការឌីហ្សាញឲ្យប្រសើរជាងមុន ហើយពិតជាធ្វើឲ្យមនុស្សជាច្រើនចាប់អារម្មណ៍លើវាមែនទែន។
ផ្នែកខាងមុខវាបានបំពាក់ចង្កៀងមុខ ប្រភេទ Quad Headlights និងអំពូលបំភ្លឺពេលថ្លៃ LED រាងស្លីម ជាមួយនឹងប៉ាណាមុខដ៏ធំ។ ស្ទីលមួយនេះក៏ត្រូវបានប្រើនៅផ្នែកខាងក្រោយដែរ ជាមួយនឹងការឌីហ្សាញឡើងវិញនូវចង្កៀងក្រោយ LED ដែលមើលទៅរឹតតែទាក់ទាញ។
តាមរយៈវីដេអូឃ្លីបរបស់ Asian Petrolhead បានបង្ហាញឲ្យឃើញពីភាពស្រស់ស្អាតនៃរថយន្ត G70 ជាពិសេសគឺពណ៌ខៀវ Royal Blue ដែលគេបានលើកយកមកបង្ហាញតែម្តង។
ការអាប់ដេតលើរថយន្ត G70 បានបន្តដល់ផ្នែកខាងក្នុង ជាមួយនឹងការបំពាក់អេក្រង់កម្សាន្ត Touchscreen ទំហំ ១០,២៥អ៊ីញ អាចភ្ជាប់មុខងារ Android Auto និង Apple CarPlay ក៏ដូចជា មុខងារសម្គាល់សំឡេង និង Genesis CarPay ផងដែរ។
G70 ផ្តល់ជម្រើសម៉ាស៊ីនចំនួន ៣ គឺ ទី១ ម៉ាស៊ីនសាំងចំណុះ ២,០លីត្រ Turbocharged ទំហំ ៤ស៊ីឡាំង មានកម្លាំង ២៤៩សេះ, ទី២ ម៉ាស៊ីនសាំងចំណុះ ៣,៣លីត្រ twin-turbo V6 មានកម្លាំង ៣៦៥សេះ និង ទី៣ ម៉ាស៊ីនម៉ាស៊ូតចំណុះ ២,២លីត្រ Turbodiesel ទំហំ ៤ស៊ីឡាំង មានកម្លាំង ១៩៩សេះ។
ក្រៅពីនោះ វាក៏មានបំពាក់មុខងារជំនួយការបើកបរ ជាច្រើន រួមទាំង Forward Collision-Avoidance Assist, Blind-Spot Collision-Avoidance Assist, Safe Exit Warning, Rear Cross-Traffic Collision-Avoidance Assist, Lane Following Assist, Multi Collision Braking និង Smart Cruise Control៕
ចង់ដឹងយ៉ាងណា សូមទស្សនាវីដេអូខាងក្រោម៖
