ចំនួនលក់រថយន្តថ្មីនៅអូស្ត្រាលីទំនងជាមានការទំនោរកើនឡើងឡើងវិញ ក្រោយពីរងការប៉ះទង្គិចខ្លាំងកាលពីឆ្នាំ ២០២០ កន្លងទៅដោយសារការផ្ទុះជំងឺឆ្លងសកលកូវីដ១៩។
កាលពីខែកុម្ភៈឆ្នាំ ២០២១ រថយន្តថ្មីសរុប ៨៣ ៩៧៧គ្រឿងបានលក់ចេញនៅប្រទេសអូស្ត្រាលី ដែលមានការកើនឡើង ៥,១% បើធៀបនឹងឆ្នាំ ២០២០ ដែលចំនួនលក់ពេលនោះគឺមាន ៧៩ ៩៤០គ្រឿង។
គួរដឹងថាពលរដ្ឋអូស្ត្រាលីមិនខុសពីទីផ្សារដទៃទៀតប៉ុន្មានឡើយ គឺមានប្ដូរពីរថយន្តតួទាប មកចាប់អារម្មណ៍លើពពួករថយន្តតួខ្ពស់ដូចជា SUV ជាដើម។ ជាក់ស្ដែងចំនួនលក់រថយន្តទាបមានការធ្លាក់ចុះ ១៥,៣% នៅខែកុម្ភៈឆ្នាំ ២០២១ ខណៈដែលចំនួនលក់រថយន្ត SUV កើនឡើង ៨,៦%។
ក្រុមហ៊ុនដែលអាចលក់រថយន្តចេញបានច្រើនជាងគេកាលពីខែកុម្ភៈគឺមាន Toyota ជាប់លេខ១ ដែលលក់បាន ១៨ ៣៧៥គ្រឿង ហើយចំណាត់ថ្នាក់បន្តបន្ទាប់មានដូចខាងក្រោម ៖
២. Mazda ៖ ៨ ៣២២គ្រឿង
៣. Hyundai ៖ ៦ ២៥២គ្រឿង
៤. Mitsubishi ៖ ៦ ២០២គ្រឿង
៥. Kia ៖ ៥ ៨៧១គ្រឿង
៦. Ford ៖ ៤ ៧១២គ្រឿង
៧. Nissan ៖ ៣ ៨២៤គ្រឿង
៨. MG ៖ ៣ ០១៧គ្រឿង
៩. Volkswagen ៖ ៣ ០០៩គ្រឿង
១០. Subaru ៖ ២ ៦៣៩គ្រឿង
