វិបត្តិខ្វះខាតឈីបបានធ្វើឲ្យប៉ះពាល់ដល់ការផលិតរបស់ក្រុមហ៊ុនផលិតរថយន្តជាច្រើន ហើយមានរថយន្តមួយចំនួនត្រូវពន្យារពេលចេញលក់ដោយសារវិបត្តិនេះផងដែរ។ ពេលនេះដែររថយន្ត Nissan Ariya បានក្លាយជាជនរងគ្រោះបន្ទាប់ក្នុងវិបត្តិនេះ។
ផ្អែកតាមការចុះផ្សាយរបស់ Reuters បានឲ្យដឹងថាការបញ្ចេញលក់រថយន្ត Nissan Ariya នៅជប៉ុននឹងត្រូវពន្យារពេលរហូតដល់ចុងឆ្នាំ២០២១ ឬដើមឆ្នាំ២០២២ខាងមុខនេះ។ ចំណែកការលក់នៅអឺរ៉ុប និងសហរដ្ឋអាមេរិកទំនងជាធ្វើឡើងរយៈពេល២ខែ បន្ទាប់ពីការចេញលក់នៅប្រទេសជប៉ុន។
ផ្ទាំងផ្សាយពាណិជ្ជកម្ម
គួររំលឹកថាកាលពីពាក់កណ្ដាលខែឧសភា Nissan បានរាយការណ៍ថាវិបត្តិកង្វះខាតឈីប នឹងប៉ះពាល់ការផលិតរថយន្តចំនួន ៥០ម៉ឺនគ្រឿងនៅឆ្នាំ២០២១នេះ ដែលជាបញ្ហាគួរឲ្យព្រួយបារម្ភបំផុតមួយសម្រាប់ Nissan៕
ផ្ទាំងផ្សាយពាណិជ្ជកម្ម
