រថយន្ត MG One បានបង្ហាញខ្លួនកាលពីខែ កក្កដាកន្លងទៅនៅក្នុងកម្មវិធីតាំងបង្ហាញរថយន្ត Chengdu International Auto Show នាពេលនេះក្រុមហ៊ុនបានបង្ហាញចេញនូវរូបរាងផ្នែកខាងក្នុងនៃរថយន្ត SUV កូនកាត់ MG HS នេះមុនបង្ហាញតម្លៃផ្លូវការនាថ្ងៃនេះ។
ជាមួយរូបភាពផ្នែកខាងក្នុងដែលបានបង្ហាញចេញ យើងឃើញថារថយន្តនេះទទួលបានការឌីស្សាញយ៉ាងទំនើប ជាពិសេសកាន់តែខ្លាំងជាមួយកៅអីស្ព័រពណ៌ខ្មៅ អមដោយថ្នេរដេរពណ៌បៃតង និងអេក្រង់ភ្លោះប្រើប្រាស់ឈីប Qualcomm Snapdragon 8155 ដែលមានសម្ថភាពលឿនជាងម៉ូឌែលកន្លង ១០ដង។
សម្រាប់រូបរាងផ្នែកខាងក្រៅវាជារថយន្ត SUV ដែលផលិតឡើងដោយប្រើប្រាស់គ្រោងឆ្អឹង SIGMA Platform របស់ក្រុមហ៊ុន SAIC ដោយវាទទួលបាន DNA នៃការឌីស្សាញពីម៉ូឌែល MG HS និង MG 5។ ដោយបានការបំពាក់ជាមួយប៉ាណាបែប Complex Elements, ចង្កៀងខាងមុខប្រភេទ LED, ដំបូលខាងលើពណ៌ខ្មៅ និង ចង្កៀងខាងក្រោយប្រភេទ LED ដូចខាងមុខផងដែរ ដែលជួយអោយរថយន្តកាន់តែមានភាពស្ព័របន្ថែមទៀត។
រថយន្តនេះបំពាក់ជាមួយម៉ាស៊ីន 15C4E ចំណុះ ១,៥លីត្រ Turbocharged ដែលផលិតកម្លាំងបាន ១៨១សេះ៕
