ក្រុមហ៊ុន Hyundai ប្រកាសចេញលក្ខណៈពិសេសលម្អិតនៃរថយន្ត Ioniq 5 ស៊េរីឆ្នាំ២០២២ ថ្មី សម្រាប់ទីផ្សារប្រទេសអូស្ត្រាលី ហើយក៏បានបញ្ជាក់ផងដែរថា សម្រាប់ចំនួនដំបូងទាំង ២៤០គ្រឿង គឺត្រូវលក់ដាច់អស់បាត់ទៅហើយ។
រថយន្ត Hyundai Ioniq 5 ឆ្នាំ២០២២ លក់នៅប្រទេសអូស្ត្រាលី មានជម្រើសកម្លាំងចំនួន ២ គឺ ប្រើម៉ូទ័រអគ្គិសនីមួយ និងប៉ុងក្រោយ មានកម្លាំង ២១៤សេះ និងកម្លាំងរមួល ៣៥០ញ៉ូតុនម៉ែត្រ ហើយមានតម្លៃចាប់ពី ៥២ ៨០០ដុល្លារ និងមួយទៀតគឺ ប្រើម៉ូទ័រអគ្គិសនីចំនួន ២ មានកម្លាំងសរុប ២០៧សេះ និងកម្ឡាំងរមួល ៣៥០ញ៉ូតុនម៉ែត្រ ហើយមានតម្លៃចាប់ពី ៥៥ ៨០០ដុល្លារ។
រថយន្ត Ioniq 5 ប្រភេទប្រើប៉ុងមួយ នឹងផ្តល់ចម្ងាយបើកបរសរុប ៤៥០គីឡូម៉ែត្រ ខណៈពេលដែលប្រភេទប៉ុងពីរ អាចបើកបានត្រឹមចម្ងាយ ៤៣០គីឡូម៉ែត្រប៉ុណ្ណោះ នៅពេលសាកភ្លើងពេញម្តង។
យ៉ាងណាមិញ ក្រុមហ៊ុន Hyundai Australia កំពុងតែធ្វើឲ្យយ៉ាងយករថយន្ត Ioniq 5 មកទីផ្សាររបស់ខ្លួនឲ្យបានច្រើន ស្របពេលអតិថិជនក្នុងស្រុកចំនួនជាង ១៣ ០០០នាក់ហើយ កំពុងចាប់អារម្មណ៍លើរថយន្តនេះ៕
