មិនយូរប៉ុន្មានបន្ទាប់ពីក្រុមហ៊ុន Nissan បានប្រកាសពីគម្រោង និងបង្ហាញនូវគំរូរថយន្តអគ្គិសនីរបស់ខ្លួន ឥឡូវនេះក្រុមហ៊ុន Infiniti ដែលស្ថិតក្រោមដំបូលតែមួយ បានប្រកាសពីការប្តេជ្ញាចិត្តរបស់ខ្លួនចំពោះការប្រើប្រាស់រថយន្តអគ្គិសនី។
បើយោងតាមសេចក្តីប្រកាសព័ត៌មានរបស់ Infiniti ក្រុមហ៊ុនផលិតរថយន្តជប៉ុននេះបានបញ្ជាក់ថា រថយន្តភាគច្រើនដែលខ្លួននឹងលក់នៅឆ្នាំ ២០៣០ នឹងត្រូវបានបំពាក់ដោយថាមពលអគ្គិសនី។ ទោះជាយ៉ាងណាក៏ដោយ វាមិនបានផ្តល់នូវតួលេខជាក់លាក់ណាមួយអំពីចំនួនរថយន្តអគ្គិសនី ដែលខ្លួនមានបំណងលក់ ឬចំនួនរថយន្តដែលនឹងប្រើថាមពលអគ្គិសនីឡើយ។
នៅក្នុងវីដេអូដែលរៀបរាប់លម្អិតអំពីផែនការនេះ ក្រុមហ៊ុន Infiniti បន្ថែមថា “យើងនឹងមិនអនុញ្ញាតឲ្យទំហំនៃអាគុយអគ្គិសនីរថយន្ត កំណត់លើពួកយើងនោះទេ ប៉ុន្តែផ្តល់អំណាចដល់អតិថិជនរបស់យើង ក្នុងការជ្រើសរើសប្រភពថាមពលដែលស័កសមនឹងជីវិតរបស់ពួកគេបំផុត”។
ក្រុមហ៊ុនផលិតរថយន្តជប៉ុនខាងលើបានបន្ថែមទៀតថា “Infiniti ប្តេជ្ញារក្សាការយកចិត្តទុកដាក់របស់ខ្លួនលើបដិសណ្ឋារកិច្ចប្រកបដោយការគិតគូរ ខណៈពេលដែលការរួមបញ្ចូលបច្ចេកវិទ្យា និងការច្នៃប្រឌិតយ៉ាងរលូន ទៅក្នុងរថយន្តរបស់ខ្លួន”៕
