[ទីផ្សារបរទេស] ថ្មីៗនេះក្រុមហ៊ុន GAC បានធ្វើការបញ្ចេញនូវរថយន្ត Mitsubishi AIRTREK ប្រភេទ SUV ខ្នាតតូច ប្រើប្រាស់អគ្គិសនីសុទ្ធ ដែលបានដាក់លក់នៅឯពិព័រណ៍ Guangzhou Auto Show កាលពីឆ្នាំ ២០២១ កន្លងទៅនេះ ជាមួយការសាកភ្លើងម្តង អាចជិះបានចម្ងាយ ៥២០ គីទ្បូម៉ែត្រ ។
សម្រាបរថយន្តអគ្គិសនី Mitsubishi AIRTREK ផលិតទ្បើងដោយ GAC Mitsubishi ត្រូវបានដាក់ជារថយន្តអគ្គិសនី SUV ខ្នាតតូចដោយពឹងផ្អោកលើការប្រើប្រាស់ AION V ជាដើម។
ក្នុងនោះដែលរថយន្តអគ្គិសនីនេះមានទំហំស្រដៀងគ្នាទៅនឹង GAC AION V ដែលមានប្រវែង ៤ ៦៣០ មម, ទទឹង ១ ៩២០ មម, កម្ពស់ ១៧២៨ មម និង ប្រវែងគម្លាតកង់មុខ-ក្រោយ ២ ៨៣០ មម។ ខណៈដែល Mitsubishi AIRTREK ជាប្រភេទរថយន្តអគ្គិសនី SUV ដែលបានបង្ហាញពីគំរូការរចនាផ្នែកខាងមុខ Dynamic Shield ដើម្បីបង្ហាពីថាមពលរបស់វា។
រថយន្តអគ្គិសនី Mitsubishi AIRTREK បំពាក់នូវម៉ូទ័រអគ្គិសនី ១ ផលិតកម្លាំង ២២៤សេះ និងកញ្ចប់អាគុយទំហំ ៦៩,៩ គីទ្បូវ៉ាតម៉ោង ជាមួយការសាកភ្លើងពេញម្តង អាចជិះបានចម្ងាយ ៥២០ គីទ្បូម៉ែត្រ។
យ៉ាងណាមិញចំពោះរថយន្តអគ្គិសនី Mitsubishi AIRTREK មានតម្លៃចាប់ពី ៣៧ ០០៨ ដុល្លារសម្រាប់ទីផ្សារនៅក្នុងប្រទេសចិន។
