[បរទេស] ក្រុមហ៊ុនផលិតរថយន្ត Lexus បានសហការជាមួយសិល្បករនិងអ្នកច្នៃម៉ូដ Harris Reed ដោយបានបំពាក់ឈុត “Ruby Red Rims” ទៅលើរថយន្ត Lexus RX ម៉ូដែលពិសេសចុងក្រោយ ដែលបំផុសគំនិតដោយស្បែកជើងពណ៌ក្រហម Ruby របស់តួអង្គ Dorothy នៅក្នុង “The Wizard of Oz” ។
គំរូរថយន្ត Lexus RX “Ruby Red Rims” បំពាក់ថាសកង់អាលុយមីញ៉ូមដ៏រឹងមាំ និងពន្លឺចែងចាំងដែលបំពាក់ដោយអំពូល LEDs ដែលមានទំហំធំនៅចំនុចកណ្តាលធ្វើអោយពន្លឺដែលផ្លាស់ប្តូរពណ៌បាន។
ជាមួយគ្នានេះ យោងតាមលោក Harris Reed ស្បែកជើងពណ៌ក្រហម Ruby របស់ Dorothy នៅក្នុងប្រលោមលោកបែប Fantasy ដ៏ពេញនិយម ត្រូវបានពិពណ៌នាអំពី “ការជ្រើសរើសផ្លូវផ្ទាល់ខ្លួន ហើយបន្តដំណើរថ្មីនៅលើផ្លូវឥដ្ឋក្រហម”។
ក្រៅពីថាសកង់ថ្មីនេះ រថយន្ត SUV ក៏បានទទួលបានផ្នែកខាងមុខដែលតុបតែងជាមួយពណ៌ក្រហម និងផ្នែកខាងក្រោយតុបតែងដោយពណ៌ខ្មៅ ព្រមទាំងឡូហ្គោអក្សរ “Ruby Red Rims” នៅលើទ្វារខាងមុខ។
គួរឲ្យដឹងថា ការរចនានៃថាសកង់ក៏ត្រូវបានបំផុសគំនិតដោយមួកចំនួន ២ នៅក្នុងកម្មវិធី Reed’s Spring 2023 collection។ ទន្ទឹមនឹងនេះ រថយន្ត Lexus RX “Ruby Red Rims” ដ៏ពិសេសនេះនឹងបង្ហាញខ្លួននៅក្នុងពិធី W Magazine’s 50th-anniversary ក្នុងទីក្រុង New York ហើយនឹងបង្ហាញខ្លួនបន្ថែមនៅទូទាំងសហរដ្ឋអាមេរិកក្នុងឆ្នាំ ២០២២ និងឆ្នាំ ២០២៣៕
