អនុប្រធានក្រុមហ៊ុន BMW ផ្នែករថយន្ត និងបច្ចេកវិទ្យាអ៊ីដ្រូហ្សែន លោក Dr. Jurgen Guldner ជឿជាក់ថា តម្លៃនៃរថយន្តអ៊ីដ្រូហ្សែននឹងធ្លាក់ចុះ នៅក្នុងរយៈពេលប៉ុន្មានឆ្នាំខាងមុខ។
លោក Guldner និយាយថា តម្លៃនៃរថយន្តប្រើអ៊ីដ្រូហ្សែន អាចនឹងថោកដូចរថយន្តប្រើសាំង-ម៉ាស៊ូត (រថយន្តប្រើម៉ាស៊ីនចំហេះក្នុង) ក្នុងរយៈពេលត្រឹម ៥ឆ្នាំទៀត។
ផ្ទាំងផ្សាយពាណិជ្ជកម្ម
គួរឲ្យដឹងថា ក្រុមហ៊ុន BMW បានចាប់ដៃជាមួយក្រុមហ៊ុន Toyota អស់រយៈពេលជិត ៥ឆ្នាំមកហើយ ពោលគឺនៅក្នុងឆ្នាំ២០១៥ ដើម្បីបង្កើតរថយន្តអ៊ីដ្រូហ្សែន។
យ៉ាងណាក៏ដោយ នៅក្នុងឆ្នាំ២០២២ ក្រុមហ៊ុន BMW បានរំពឹងថា នឹងអាចបញ្ចេញរថយន្ត X5 ប្រើអ៊ីដ្រូហ្សែនរបស់ខ្លួន ដែលមានសមត្ថភាពអាចបើកបររហូតដល់ទៅចម្ងាយ ៥៦០គីឡូម៉ែត្រ៕
ផ្ទាំងផ្សាយពាណិជ្ជកម្ម
