ប្រទេសចិន បានក្លាយជាប្រទេសដំបូងគេក្នុងពិភពលោកដែលលក់រថយន្តអគ្គិសនីបានលើសពីមួយលានគ្រឿងក្នុងមួយខែ

យោងតាមរបាយការណ៍ថ្មីៗនេះ ប្រទេសចិន បានក្លាយជាប្រទេសដំបូងគេក្នុងពិភពលោកដែលទទួលបានកំណត់ត្រាក្នុងការលក់រថយន្តអគ្គិសនីបានលើសពីមួយលានគ្រឿងក្នុងមួយខែ ពោលគឺស្ថិតនៅក្នុងខែសីហានេះ បើទោះបីជាការលក់រថយន្តអគ្គិសនីនៅក្នុងប្រទេសលោកខាងលិច (សហភាពអឺរ៉ុប និងចក្រភពអង់គ្លេស ) បានធ្លាក់ចុះចំនួន ៤ភាគរយក៏ដោយ។

រហូតមកដល់ពេលនេះ កំណើននៃការលក់រថយន្តឡានអគ្គិសនីរបស់ប្រទេសចិន គឺមានការកើនឡើងចំនួន ៣៣ភាគរយ បើប្រៀបធៀបទៅនឹងឆ្នាំមុន។

សម្រាប់ការលក់រថយន្តអគ្គិសនីសរុបរបស់ប្រទេសចិនក្នុងខែសីហាបានធ្លាក់ចុះ ១,១ភាគរយ ដែលមានចំនួនសរុបត្រឹមតែ ១,៩២ លានគ្រឿង ប៉ុណ្ណោះ ប៉ុន្តែការលក់រថយន្ត New Energy Vehicles (NEV)៖ (EV និង Plug-in Hybrid) បានកើនឡើង ៤៣,២ភាគរយ ហើយបរិមាណនៃការលក់រថយន្ត NEVs មានចំនួន ៥៣,៥ភាគរយ នៃការលក់រថយន្តសរុប៕