[បរទេស] ក្រុមហ៊ុនផលិតរថយន្ត Land Rover បានធ្វើការដាក់បង្ហាញចេញនៅរថយន្តម៉ូដែលពិសេស Range Rover SV Orpheus Edition ដែលផលិតតែ ៦គ្រឿងប៉ុណ្ណោះ សម្រាប់ទីផ្សារប្រទេសអូស្រ្តាលី ជាមួយតម្លៃលក់ ៥២០ ៥៦១ ដុល្លារអូស្រ្តាលី ស្មើនឹង ៣៣៩ ០០០ ដុល្លារសហរដ្ឋអាមេរិក ។
Ranger Rover SV Orpheus Edition បំពាក់ដោយម៉ាស៊ីនកូនកាត់ mild-hybrid ធ្វើការជាមួយម៉ាស៊ីនសាំងចំណុះ ៤,៤ លីត្រ Twin-turbo V8 អាចផលិតកម្លាំងបាន ៥៧០ សេះ និងកម្លាំងរមួល ៧៥០ ញ៉ូតុនម៉ែត្រ ភ្ជាប់ដោយប្រអប់លេខអូតូ។
សម្រាប់រថយន្តម៉ូដែលពិសេសនេះ ត្រូវបានយកឈ្មោះពីកោះ Orpheus ដែលមានទីតាំងនៅ Queensland ប្រទេសអូស្ត្រាលី។ ផ្នែកខាងក្រៅត្រូវបានតុបតតែងជាមួយពណ៌ខៀវស្រោបដោយដំបូលពណ៌ប្រាក់ ព្រមទាំងប្រើប្រាស់នីថាសកង់ប្រភេទអាលុយមីញ៉ូមទំហំ ២៣ អ៊ីញ និងឡូហ្គោអក្សរ Range Rover ជាពណ៌ខ្មៅស្រោបដោយក្រូម៉េពណ៌ប្រាក់។
ចំពោះនៅផ្នែកខាងក្នុងវិញ មានកុងទ័របង្ហាញព័ត៌មានឌីជីថល និងអេក្រង់កំសាន្ត touchscreen ទំហំធំ ក៏ដូចជាកៅអីស្រោបដោយស្បែកមានតម្លៃថ្លៃ តុបតែងជាមួយទឹករលក និងប្រអប់លេខធ្វើពីសេរ៉ាមិចជាដើម ៕
