បន្ទាប់ពីបង្ហាញផែនការក្នុងការចេញលក់រថយន្តស៊េរីថ្មីៗចំនួន ៣ម៉ូឌែល មុនឆ្នាំ២០២៧ និងបានប្រកាសចេញលក់ជាផ្លូវការនូវរថយន្តម៉ូឌែលទី ១ គឺ AUDI E5 Sportback របស់ខ្លួនរួចរាល់ ពេលនេះ គឺមានការបែកធ្លាយនូវរូបភាព ក៏ដូចជារូបរាងរថយន្តម៉ូឌែលទី ២ ហើយ ដោយក្នុងនោះ នឹងប្រកាសបង្ហាញចេញជាផ្លូវការនៅក្នុងប្រទេសចិន នៅក្នុងឆ្នាំ២០២៦ ខាងមុខនេះ។
ក្នុងនោះ បើនិយាយពីរថយន្តថ្មីទី ២ របស់ AUDI នេះវិញ គឺជារថយន្តប្រភេទ Crossover ហើយវាគឺមានប្រវែងប្រហាក់ប្រហែលដល់ទៅ ៥ ម៉ែត្រឯណ្ណោះ។ ចំណែកការរចនារូបរាងផ្នែកខាងក្រៅវិញ ក៏ទទួលបាននូវបច្ចេកវិទ្យាថ្មីៗជាច្រើនផងដែរ។
លើសពីនេះ ក៏ទទួលបាននូវការរចនាជាមួយទ្វារប្រភេទ retractable door handles និង spoiler ជាប់ដំបូល ក៏ដូចជាមុខងារ blind spot monitoring និង Face-ID ដើម្បីបើកទ្វារចេញចូលផងដែរ។
ចំណែកផ្នែកម៉ាសុីនវិញ ក៏នឹងគាំទ្រនូវបច្ចេកវិទ្យាសាកល្បឿនលឿន ព្រមទាំងផលិតកម្លាំងបានជាង ៧០០សេះ ផងដែរ ខណៈព័ត៌មានលម្អិតផ្សេងៗវិញ មិនទាន់បង្ហាញចេញនូវឡើយទេ៕
