[បរទេស] នាពេលថ្មីៗនេះ ក្រុមហ៊ុនផលិតរថយន្ត Hunter RMV បានធ្វើការដាក់បង្ហាញចេញនៅរថយន្ត Acela Apex 6×6 សេរ៊ីឆ្នាំ២០២៤ ប្រភេទ Off-Road ជាមួយតម្លៃលក់លើទីផ្សារខ្ទង់ កន្លះលានដុល្លារ។
រថយន្តនេះមានការរចនាផ្នែកខាងក្រៅកាច ដែលមានកំពស់បាតក្រោម ៥៥៨,៨ ម.ម ហើយរត់នៅលើថាសកង់ទំហំ ២០អ៊ីញ និងសំបកកង់ទំហំ ៤៦,៦អ៊ីញ៕ ខណៈផ្នែកខាងក្នុងវិញ មានបំពាក់ទូខោអាវផ្ទាល់ខ្លួន, ម៉ាស៊ីនបោកគក់/ម៉ាស៊ីនសម្ងួត, ទូរទឹកកក, កន្លែងចម្អិនអាហារ, បន្ទប់ទឹក និងប្រព័ន្ធថាមពលពន្លឺព្រះអាទិត្យ solar power system ទំហំ ៣,០០០វ៉ាត់ ដែលអាចភ្ជាប់ Victron Bluetooth បានជាដើម៕
វាត្រូវបានដំណើរការដោយម៉ាសុីនម៉ាស៊ូត Caterpillar ចំណុះ ៧,២លីត្រ Turbodiesel I-6 3126 និងមានភ្ជាប់មកជាមួយប្រអប់លេខអូតូ Allison 3070 ៧វគ្គ និងមុខងារចាក់សោប៉ុងអូតូ ដែលអាចផលិតកម្លាំងសរុបបានចំនួន ៣៣០សេះ និងអាចបើកបរបចម្ងាយ ១,២៨៧គីឡូម៉ែត្រ ដោយប្រើប្រេងមួយធុងពេញ ៤២៧លីត្រ និងមានល្បឿនបើកបរអតិបរមា ១១៩គីឡូម៉ែត្រក្នុងមួយម៉ោង៕
