[ទីផ្សារបរទេស] រថយន្ត all-new Honda StepWGN ស៊េរីឆ្នាំ២០២២ ត្រូវបានអភិវឌ្ឍជាបន្តបន្ទាប់រហូតដល់ជំនាន់ទី៦ ដោយរក្សានៅការរចនារាងប្រអប់ ដើម្បីពង្រីកទំហំខាងក្នុងឲ្យធំទូលាយតាមដែលអាចធ្វើទៅបាន។
ការសង្កត់ធ្ងន់លើការរចនាផ្នែកខាងក្រៅដែលគួរអោយកត់សំគាល់គឺសង្ហាជាងជំនាន់ទី៥ ដោយមាន២ម៉ូដែលធំៗសម្រាប់ជ្រើសរើសគឺ StepWGN Air និង StepWGN Spada ជាមួយនឹងជម្រើសសម្រាប់ទាំងម៉ាស៊ីនសាំងសុទ្ធ និង e:HEV ម៉ាស៊ីន hybrid ផងដែរ។ គ្រោងនឹងបង្ហាញខ្លួនជាសាធារណៈរបស់ខ្លួននៅឯ Tokyo Auto Salon ២០២២ នៅថ្ងៃទី ១៥ ខែមករា។
ការរចនាផ្នែកខាងក្រៅនៃ all-new Honda StepWGN ស៊េរីឆ្នាំ២០២២ នេះ ភ្ជាប់មកជាមួយចង្កៀងមុខ LED រាងការ៉េភ្ជាប់ជាមួយនឹងប៉ាណាខាងមុខធំដែលតុបតែងដោយស៊ុមក្រូមេ។ Spada នឹងត្រូវបានពង្រឹងជាមួយនឹងឆ្នូតក្រូមេ នៅលើកាងខាងមុខ និងខាងក្រោយ និងកញ្ចក់ទ្វារ រួមជាមួយនឹងកញ្ចក់។ កញ្ចក់ធំជុំវិញរថយន្ត ដើម្បីបង្កើនភាពមើលឃើញនៅគ្រប់កៅអី។ ខណៈដែលភ្លើងក្រោយត្រូវបានរចនាដាក់បញ្ចូលគ្នាបញ្ឈរជាមួយ D-pillar ដែលបន្ថែមភាពប្រណីតផងដែរ។
តាមរូបភាព គេអាចមើលឃើញថា កាប៊ីនត្រូវបានបំពាក់ដោយកៅអីធំនៅជួរទី២ ដែលអាចលៃតម្រូវទៅមុខ និងខាងក្រោយបាន ហើយរំកិលចេញទៅចំហៀងផងដែរ បង្កើនផាសុកភាពជាមួយនឹងខ្នើយទ្រជើងដែលអាចបត់បាន។
Honda StepWGN ថ្មីនេះបានភ្ជាប់មកជាមួយនឹងទ្វាខាងក្រោយអគ្គិសនីដែលអាចលៃតម្រូវកម្ពស់បាន។ ខណៈពេលដែលទ្វាររូតទាំងសងខាងត្រូវបានបំពាក់ដោយប៊ូតុងបិទបើកជាតាមស្តង់ដារ។
បន្ថែមពីនេះរថយន្តនេះក៏ត្រូវបានបំពាក់ដោយអេក្រង់ដ៏ធំ Honda CONNECT Navi ទំហំ ១១.៤ អ៊ីង ដែលក្រុមហ៊ុន Honda បញ្ជាក់ថា គឺជារថយន្តដែលធំជាងគេក្នុងចំណោមរថយន្តដែលលក់ក្នុងប្រទេសជប៉ុន។ រួមទាំងអេក្រង់អ្នកដំណើរខាងក្រោយទំហំ ១៥,៦ អ៊ីញ ដែលអាចបង្ហាញក្នុងកម្រិត HD ផងដែរ៕
