[ទីផ្សារចិន] ក្រុមហ៊ុនផលិតរថយន្ត Avatr បានធ្វើការដាក់បង្ហាញចេញជាផ្លូវការរថយន្តម៉ូដែលថ្មីស្រឡាងមានឈ្មោះថា Avatr 06 ប្រភេទ mid-size sedan ផ្តល់ជូនទាំងជម្រើសអគ្គិសនីសុទ្ធ EV និងអគ្គិសនីលាយសាំង EREV គ្រោងនឹងដាក់លក់ជាផ្លូវការនៅក្នុងត្រីមាសទី២ ក្នុងឆ្នាំ ២០២៥ ខាងមុខនេះ ជាមួយតម្លៃលក់ចាប់ពី ៣៤ ១៨០ ដុល្លារ នៅក្នុងប្រទេសចិន។
រថយន្តនេះ មានប្រវែងតួខ្លួនសរុប ៤ ៨៥៥ ម.ម ទទឹង ១ ៩៦០ ម.ម កម្ពស់ ១ ៤៥០ ម.ម និងប្រវែងគម្លាតកង់មុខ-ក្រោយ ២ ៩៤០ ម.ម ដំណើរការដោយ៖
- ម៉ូទ័រអគ្គិសនីចំនួន ១ ប៉ុង ១ RWD ផលិតកម្លាំងបាន ៣៣៨ សេះ ផ្គួបជាមួយអាគុយទំហំ ៧២,៩គីឡូវ៉ាត់ម៉ោង អាចបើកបរបានចម្ងាយ ៦៥០គីឡូម៉ែត្រ នៅពេលសាកថ្មពេញម្តង។
- ម៉ូទ័រអគ្គិសនីចំនួន ២ ប៉ុង ២ AWD ផលិតកម្លាំងបាន ៥៩០ សេះ ផ្គួបជាមួយអាគុយទំហំ ៧២,៩គីឡូវ៉ាត់ម៉ោង អាចបើកបរបានចម្ងាយ ៦០០គីឡូម៉ែត្រ នៅពេលសាកថ្មពេញម្តង។
- ម៉ាសុីនសាំងចំណុះ ១,៥លីត្រ turbocharged ទំហំ ៤សុីឡាំង ទំហំ ១៥៤ សេះ និងម៉ូទ័រអគ្គិសនីចំនួន ១ ផលិតកម្លាំងបាន ៣១០ សេះ ផ្គួបជាមួយជម្រើសអាគុយទំហំ ៣១,៧ និង ៤៥ គីឡូវ៉ាត់ម៉ោង អាចបើកបរបានចម្ងាយ ១៧០ និង ២៤០ គីឡូម៉ែត្រ នៅពេលសាកថ្មពេញម្តង។
សម្រាប់ការឌីស្សាញផ្នែកខាងក្រៅត្រូវបានភាសាការរចនាឲ្យឈ្មោះថា AVATR 2.0 design concept ដោយមានប៉ាណាមុខបិទជិត អបសងខាងដោយចង្កៀងមុខ LED រាងជាលេខ 7 ព្រមទាំងប្រើប្រាស់កញ្ចក់ចំហៀងជាប្រភេទឌីជីថល ក៏ដូចជាថាសកង់ស្ព័រ ចង្កៀងក្រោយ LED រាងស្លីម និង ducktail spoiler ។
ចំពោះនៅផ្នែកខាងក្នុងវិញ រថយន្តនេះ ទទួលបានអេក្រង់ឌីជីថលទំហំ ៣៥,៤ អ៊ីងដ៏ធំ និងអេក្រង់កម្សាន្ត ឫអេក្រង់មេទំហំ ១៥,៦អ៊ីញ ត្រូវបានប្រើប្រាស់ជាមួយប្រព័ន្ធប្រតិបត្តិការ HarmonyOS 4.0 រួមទាំងប្រព័ន្ធជំនួយការអ្នកបើកបរ ADS 3.0 intelligent driving system របស់ក្រុមហ៊ុន Huawei ក៏ដូចជាកាមេរ៉ាមើលចំហៀង កញ្ចក់មើលខាងក្រោយឌីជីថល កន្លែងសាកថ្មទូរស័ព្ទឥតខ្សែចំនួន២ និងលក្ខណៈពិសេសៗជាច្រើនទៀតផងដែរ៕
