ក្រុមហ៊ុន Bentley ទើបតែបានផលិតរថយន្ត Continental GT គ្រឿងទី ៨០ ០០០ របស់ខ្លួន នៅឯរោងចក្រក្នុងទីក្រុង Crewe ប្រទេសអង់គ្លេស ដោយចំណាយពេល ១៨ឆ្នាំ និង ៣ជំនាន់នៃម៉ូដែលនេះ ចាប់តាំងពីវាបានបង្ហាញខ្លួនដំបូងក្នុងឆ្នាំ២០០៣។
រថយន្ត Bentley Continental GT គ្រឿងទី ៨០ ០០០ ដែលមានចង្កូតស្តាំខាងលើ មានតួខ្លួនពណ៌ទឹកក្រូច Orange Flame ហើយបំពាក់ Option “Blackline” និង “Styling” ផងដែរ។
ផ្ទាំងផ្សាយពាណិជ្ជកម្ម
រថយន្តប្រភេទ Grand Tourer ទ្វារពីរ Continental GT បានបង្ហាញខ្លួនដំបូងក្នុងឆ្នាំ២០០៣ ដោយបំផុសគំនិតតាម ម៉ូដែល R-Type Continental ឆ្នាំ១៩៥២។
គួរឲ្យដឹងថា រថយន្តខាងលើមានបំពាក់ម៉ាស៊ីនចំណុះ ៤,០លីត្រ twin-turbo V8 មានកម្លាំង ៥៤២សេះ ដំណើរការដោយប្រអប់លេខអូតូ ៨វគ្គ និងប៉ុងពីរ៕
ផ្ទាំងផ្សាយពាណិជ្ជកម្ម
