Bentley នឹង​ផលិត​រថយន្ត​អគ្គិសនី​ដំបូងបង្អស់របស់ខ្លួន ​ក្នុង​ឆ្នាំ ២០២៥

[ទីផ្សារបរទេស] ក្រុមហ៊ុនផលិតរថយន្តដ៏ប្រណីតរបស់អង់គ្លេស Bentley បាននិយាយកាលពីថ្ងៃពុធថា ខ្លួននឹងចាប់ផ្តើមផលិតរថយន្តអគ្គិសនីសុទ្ធដំបូងបង្អស់របស់ខ្លួន នៅឆ្នាំ ២០២៥ ដែលជាព្រឹត្តិការណ៍ដ៏សំខាន់មួយនៅក្នុងការផ្លាស់ប្តូរដែលបានគ្រោងទុក របស់ក្រុមហ៊ុន Bentley ទៅជាក្រុមហ៊ុនផលិតតែរថយន្តអគ្គិសនីសុទ្ធ នៅឆ្នាំ ២០៣០។

មិនតែប៉ុណ្ណោះ Bentley ក៏បានប្តេជ្ញាក្នុងការវិនិយោគលុយ ២,៥ ពាន់លានផោន (៣,៤ ពាន់លានដុល្លារ) ដើម្បីរក្សានិរន្តរភាពក្នុងអំឡុងពេលមួយទសវត្សរ៍ក្រោយផងដែរ។

ផ្ទាំងផ្សាយពាណិជ្ជកម្ម

ក្រុមហ៊ុន​ផលិត​រថយន្ត​ខាងលើបាន​បន្ថែមទៀត​ថា​ ខ្លួន​នឹង​កំណត់​រចនាសម្ព័ន្ធ​រោងចក្រ ​ចក្រភព​អង់គ្លេស​របស់​ខ្លួន​ ក្នុង​ទីក្រុង Crewe ដើម្បី​សាងសង់​រថយន្ត​ថ្មី។ ទោះជាយ៉ាងណាក៏ដោយ វា​មិន​បាន​ផ្តល់​ព័ត៌មាន​លម្អិត​បន្ថែម​ទៀត​នោះទេ ថា​តើ​រថយន្ត​អគ្គិសនី​ដំបូង​បង្អស់​របស់​វា​នឹង​មាន​ទម្រង់​បែប​ណា។

យ៉ាងណាមិញ កាលពីដើមខែកន្លងទៅនេះ Bentley បាននិយាយថា ខ្លួនបានឈានដល់កំណត់ត្រាមួយនៅឆ្នាំ ២០២១ ខណៈដែលការលក់ទូទាំងពិភពលោកបានកើនឡើង ៣១ ភាគរយ ចំពេលមានតម្រូវការខ្លាំងសម្រាប់រថយន្តទំនើបៗ៕

ផ្ទាំងផ្សាយពាណិជ្ជកម្ម