ក្រុមហ៊ុន BMW បានបញ្ចេញវីដេអូជីវចលពិសេសសម្រាប់ថ្ងៃបុណ្យចូលឆ្នាំថ្មី ២០២២ ខាងមុខនេះ សម្រាប់ម្ចាស់រថយន្ត BMW ដែលដំណើរការប្រព័ន្ធ OS 7.0 ឬខ្ពស់ជាងនេះ អាចមើលបានចន្លោះថ្ងៃទី ៣១ ខែធ្នូ ឆ្នាំ ២០២១ ដល់ ថ្ងៃទី ៤ ខែ មករា ឆ្នាំ ២០២២។
សម្រាប់មុខងារពិសេសវីដេអូមានចលនាដែលអាចមើលបានតាមរយៈអេក្រង់កម្សាន្តរបស់រថយន្ត ចំនួនបីដងនៅពេលម៉ាស៊ីនត្រូវបានចាប់ផ្តើម ដោយវាបង្ហាញនូវពាក្យ “Hello BMW” និង “Happy Holidays” ក្នុងអំឡុងបុណ្យណូអែល ថ្ងៃទី ២៣ ដល់ ២៦ ខែធ្នូ ឆ្នាំ ២០២១ និង “Happy New Year សម្រាប់ពេលចូលឆ្នាំថ្មីនៅថ្ងៃទី ៣១ ខែធ្នូ ឆ្នាំ ២០២២ ដល់ថ្ងៃទី ៤ ខែមករា ឆ្នាំ ២០២២។
បន្ថែមពីនេះម្ចាស់រថយន្តក៏អាចចូលប្រើអេក្រង់ដើមបានដោយចុចម៉ឺនុយកម្មវិធី បន្ទាប់មកជ្រើសរើសកម្មវិធីដែលបានដំឡើងហើយជ្រើសរើសរូបតំណាងកម្មវិធី វីដេអូនឹងបង្ហាញនៅលើអេក្រង់ពេញ រួមជាមួយនឹងឧបករណ៍តន្ត្រី និងពណ៌នៃភ្លើងនៅលើកុងសូលខាងមុខ និងទ្វារត្រូវបានផ្លាស់ប្តូរដោយស្វ័យប្រវត្តិ។
សូមបញ្ជាក់ថា មុខងារនេះទាំងនេះនឹងមាននៅលើម៉ូឌែលមួយចំនួនរួមមាន៖ 2 Series, 3 Series, 4 Series, 5 Series, 6 Series, 7 Series, 8 Series, X3, X5, X6, X7, Z4, iX3 និង iX ដែលគាំទ្រ ប្រព័ន្ធប្រតិបត្តិការ BMW OS 7 និងកម្មវិធី BMW Live Cockpit Plus ឬ Live Cockpit Plus Professional តែប៉ុណ្ណោះ៕
